ايماقتار • 17 ماۋسىم، 2019

پاۆلودار وبلىسىنا «ەڭبەك» باعدارلاماسى بويىنشا 1 785،4 ملن تەڭگە بولىنگەن

220 رەت كورسەتىلدى

وبلىستىق اۋىل شارۋاشىلىعى باسقارماسىنىڭ مالىمەتىنشە، قازىرگى كۇنى مەملەكەتتەن كومەك العىسى كەلەتىن جەكە كاسىپكەرلەردەن وتىنىشتەر تۇسۋدە.

ال، جىل باسىنان بەرى قۇنى 194 ميلليون تەڭگەنى قۇرايتىن 33 ءوتىنىش قابىلدانىپتى.

 وبلىس اكىمىنىڭ قاۋلىسىمەن شاعىن نەسيەلەۋ ۇيىمدارى بەكىتىلىپ، «اۋىل شارۋاشىلىعىن قارجىلاي قولداۋ قورى» اق ارقىلى 1 ملرد 71 ميلليون تەڭگە، «اگرارلىق نەسيەلىك كورپوراتسياسى» اق ارقىلى 714 ميلليون تەڭگە قاراجات قاراستىرۋدا.بۇل قاراجات شاعىن جانە ورتا بيزنەستى دامىتۋعا باعىتتالادى.ياعني، قوي، ەشكى، جىلقى، سيىر ساتىپ الۋ، قىسقى جەم-ازىعىن ازىرلەۋ بويىنشا بارىنشا قولداۋ كورسەتىلەدى.سونىمەن قاتار، كاسىپكەرلىكپەن اينالىسقىسى كەلەتىندەر قۇرىلىس ماتەريالدارىن شىعارۋ، اسپازدىق ونىمدەردى ءپىسىرۋ، قوعامدىق تاماقتانۋدى ۇيىمداستىرۋ، جۇك جانە جولۋشىلار كولىگىن ساتىپ الۋ باعىتىندا ءوز بيزنەستەرىن اشا الادى.مامانداردىڭ ايتۋىنشا،جالپى جەكە تۇلعالارعا نەسيە بەرۋ مەرزىمى – 5 جىل. مال شارۋاشىلىعى جانە اۋىل شارۋاشىلىعى كووپەراتيۆتەرىن قۇرۋ سالاسىندا – 7 جىلعا دەيىن.قازىر ولارعا «قازاگروكەپىل» اق قولداۋ كورسەتىپ، كاسىپكەرگە العان نەسيەسىنىڭ 85 پايىزىنا كەپىلدىك بەرەدى. بۇل ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىنىڭ  مۇمكىندىگى.بۇل جوبا 2017 جىلى پيلوتتىق نەگىزدە جۇزەگە اسىرىلا باستادى.جوبا اۋىل تۇرعىندارىنىڭ ەڭبەك ەتۋىنە مۇمكىندىك بەرۋدە.ال، «قازاگروكەپىل» اق  وبلىستىق فيليالىنىڭ مالىمەتىنشە، نەسيە الۋ ءۇشىن كەپىلدىك بەرۋگە ءوتىنىش بەرۋشىلەردىڭ قاتارى  ارتۋدا.ياعني، نەسيە الۋشىنىڭ كەپىلگە قوياتىن مۇلكىنىڭ قۇنى بەلگىلى مولشەرگە جەتپەي تۇرسا، اتالعان ۇيىم نەسيەنى كەپىلدەندىرەدى.

  جاڭادان باستاپ جاتقان كاسىپ كەرلەر نەسيەسىن 85 پايىزعا دەيىن كەپىلدەندىرە الادى.  بۇگىندە 7،5 ميلليون تەڭگەنىڭ نەسيەسىن كەپىلدەندىرۋگە 1 ءوتىنىش ماقۇلداندى. تاعى 3 جوبا قاراستىرىلۋدا.

 بيىل «باستاۋ بيزنەس» جوباسى بويىنشا كاسىپكەرلىككە باۋلۋعا باعىتتالعان وقۋ كۋرستارى 3 ماۋسىم بويى ۇيىمداستىرىلىپ، 900 ادام قامتىلادى دەپ جوسپارلانۋدا. 

   پاۆلودار وبلىسى

سوڭعى جاڭالىقتار

مۇز قۇرسانعان ەكىباستۇز

ايماقتار • بۇگىن، 21:12

ءۇمىت ساۋلەسى

ساياسات • بۇگىن، 21:11

ۇلت ساۋلىعى – ۇلى بايلىق

ساياسات • بۇگىن، 21:09

ءسابيدىڭ ءومىرىن ساقتاپ قالدى

ايماقتار • بۇگىن، 21:02

تۇرلەنگەن تەمەكىنىڭ ءبارى زيان

مەديتسينا • بۇگىن، 20:58

ساڭلاقتىڭ سوڭعى سامعاۋى

قازاقستان • بۇگىن، 20:50

كىتاپ كوكجيەگى كەڭەيىپ كەلەدى

رۋحانيات • بۇگىن، 20:41

«نەمىس ماشينەسى» جولدا قالدى

فۋتبول • بۇگىن، 20:36

ستۋدەنتتىك تەاتر فەستيۆالى

تەاتر • بۇگىن، 20:34

«كۇمبىرلە كۇيىم، ەلىمدە!»

ايماقتار • بۇگىن، 20:28

ۇقساس جاڭالىقتار