قر ۇكىمەتىنىڭ باسشىسى «قازاقستاندىق اگرو
يننوۆاتسيالىق كورپوراتسيا» جشس اۋىل شارۋاشىلىعى ماشيناسىن جاساۋ كاسىپورنىنا
باردى. بۇگىندە زاۋىت جىلىنا 1500 تەحنيكا شىعارادى. كەلەشەكتە قۋاتتىلىقتى جىلىنا
5000 تەحنيكاعا دەيىن ۇلعايتىپ, 400-دەن استام جۇمىس ورىندارىن اشۋ كوزدەلگەن.
يندۋستريالىق دامۋمەن تانىسۋ «كاماز-ينجينيرينگ» قازاقستاندىق-رەسەيلىك بىرىككەن
ماشينا جاساۋ كاسىپورنىنىڭ جۇمىسىن تەكسەرۋ كەزىندە جالعاستى. ا. مامينگە تاياۋ
ۋاقىتتا جىلىنا 2500 بىرلىككە دەيىن شىعارۋ جوسپارى بار ەكەنى باياندالدى.
سونىمەن قاتار, وڭىردە قر پرەمەر-ءمينيسترى «قاراپايىم زاتتار ەكونوميكاسى»
سالالارىنىڭ كاسىپورنىن قارادى. «دۆا كيتا» جشس جىل باسىنان بەرى 12,7 مىڭ
كورپۋستىق جيھاز شىعارعان. ءونىم ءتۇرىن كەڭەيتىپ, ءوندىرىس كولەمىن ۇلعايتۋ جوسپاردا
بار. بۇل ماقساتتارعا 1 ملرد تەڭگە جەكە ينۆەستيتسيالار تارتىلادى. جالپى وبلىستا
حالىق تۇتىناتىن تاۋارلاردى دامىتۋ بويىنشا 87,6 ملرد تەڭگەگە 71 جوبا بويىنشا
جۇمىس جۇرگىزىلىپ جاتىر.
اقمولا وبلىسىنىڭ ەكونوميكاداعى تۋريزم ۇلەسىن ۇلعايتۋعا الەۋەتى جوعارى. وڭىرلىك
تۋريستىك كلاستەرگە 700-دەن استام نىسان كىرەدى. پرەمەر-مينيسترگە قالانىڭ كولىك
جانە ەنەرگەتيكا ينفراقۇرىلىمىن دامىتۋ بويىنشا اتقارىلىپ جاتقان جۇمىستار تۋرالى
باياندالدى. بۇعان قوسا, كوكشەتاۋ قالاسىنىڭ توڭىرەگىندەگى قوپا كولىنىڭ جاعالاۋىن
اباتتاندىرۋ جوباسى تانىستىرىلدى.
قر پرەمەر-ءمينيسترى ا. مامين الەۋمەتتىك-ەكونوميكالىق دامىتۋ ماسەلەلەرى جونىندە,
سونداي-اق, 2020 جىلى قازاقستان مەن رەسەيدىڭ XVII ايماقارالىق ىنتىماقتاستىق
فورۋمىن وتكىزۋگە دايىندىق, ششۋچينسك-بۋراباي كۋرورتتىق ايماعىن دامىتۋ جوسپارىن,
«اۋىل – ەل بەسىگى» ارنايى جوباسىن ىسكە اسىرۋ جانە ەلوردا توڭىرەگىن دامىتۋ
ماسەلەلەرى جونىندە جۇمىس كەڭەسىن وتكىزدى.
اقمولا وبلىسىنىڭ اكىمى ە. مارجىقپاەۆ ءوڭىردىڭ الەۋمەتتىك-ەكونوميكالىق دامۋى
تۋرالى باياندادى. بيىلعى 5 ايدىڭ قورىتىندىسى بويىنشا بارلىق ماكروەكونوميكالىق
كورسەتكىشتەر بويىنشا وڭ قارقىن بەلگىلەنگەن. بيىلعى قاڭتار-مامىر ارالىعىنداعى
ونەركاسىپتىك ءوندىرىس ولەمى 284,1 ملرد تگ قۇرادى. بيىل يدمب اياسىندا 434 جاڭا
جۇمىس ورىندارىن قۇرۋمەن 9,3 ملرد تەڭگە سوماسىنا 5 جوبانى ىسكە اسىرۋ كوزدەلگەن.
1 ماۋسىمداعى جاعداي بويىنشا ەكونوميكانىڭ نەگىزگى كاپيتالىنا 83,2 ملرد تەڭگە
ينۆەستيتسيا تارتىلعان, ءوسىم — 4,4%. اۋىل شارۋاشىلىعىندا ءوندىرىس 13%-عا ءوسىپ,
63,6 ملرد تەڭگەنى قۇرادى.
2019 جىلى الەۋمەتتىك سالاعا 129,2 ملرد تەڭگە قاراستىرىلعان. 3 بالاباقشا, 6
مەكتەپ, 5 دەنساۋلىق ساقتاۋ نىسانى سالىنىپ جاتىر. بيىلعى 5 ايدىڭ قورىتىندىسى
بويىنشا تۇرعىن ءۇي 116 كوپ بالالى جانە از قامتىلعان وتباسىعا بەرىلدى, اتاۋلى
الەۋمەتتىك كومەك اياسىندا 610 ملن تەڭگە بەرىلدى.
كەڭەس بارىسىندا ايماقارالىق فورۋمعا دايىندىق جانە ونى وتكىزۋ جونىندەگى ءىس-شارالار جوسپارىنىڭ جوباسى قارالدى. كوكشەتاۋدا دامىعان ينفراقۇرىلىم جانە ىڭعايلى كولىكتىك لوگيستيكا بار. جالپى العاندا, فورۋمدى وتكىزۋ تۋريزم سالاسىندا جاڭا ساپالى ءوزارا قارىم-قاتىناستاردى دامىتۋعا قوسىمشا سەرپىن بەرەدى, سونداي-اق, رەسەي مەن قازاقستان اراسىنداعى ساۋدا-ەكونوميكالىق قاتىناستاردىڭ كەڭ اۋقىمى بويىنشا ءوزارا ءتيىمدى ىنتىماقتاستىقتى ودان ءارى تەرەڭدەتۋگە جول اشادى.
سونداي-اق, كەڭەستە بىرقاتار مينيسترلىكتىڭ باسشىلارى ءتۋريزمدى دامىتۋ, كۋرورتتىق
ايماقتى ينجەنەرلىك-كولىك جانە اقپاراتتىق-كوممۋنيكاتسيالىق ينفراقۇرىلىممەن
قامتاماسىز ەتۋ, پەرسپەكتيۆالىق اۋىلداردى جانە ەلوردا توڭىرەگىن دامىتۋ
ماسەلەلەرى جونىندە سويلەدى.
«تۋريستىك سالانى دامىتۋ مەملەكەتتىك باعدارلاماسىنىڭ نەگىزىن قازاقستاننىڭ توپ-10
نىسانى قۇرايدى, سولاردىڭ ءبىرى — ششۋچينسك-بۋراباي كۋرورتتىق ايماعى», — دەپ اسقار
مامين, تۋريزم سالاسى ۇلكەن ءۇمىت كۇتتىرەتىنىن ايتتى. — تۋريزم كولىك پەن
تەلەكوممۋنيكاتسيانىڭ دامۋىنا, قۇرىلىسقا, ساۋدا-ساتتىققا, اۋىل شارۋاشىلىعىنا
مۋلتيپليكاتيۆتى اسەر ەتە وتىرىپ, ەلىمىزدىڭ الەۋمەتتىك-ەكونوميكالىق دامۋىنا,
ينۆەستيتسيالاردىڭ تارتىلۋىنا جانە جۇمىس ورىندارىنىڭ اشىلۋىنا جاعداي جاسايدى».
قر ۇكىمەتىنىڭ باسشىسى ششۋچينسك-بۋراباي كۋرورتتىق ايماعىنىڭ ينفراقۇرىلىمىن جاڭعىرتۋ جانە ەكولوگيالىق جاعدايدى جاقسارتۋ, ساپالى ءارى قولجەتىمدى سەرۆيستىك قىزمەتتەردى دامىتۋ جۇمىستارىن كۇشەيتۋدى تاپسىردى. مۇندا تۋريزم سالاسىندا 7 مىڭعا جۋىق جاڭا جۇمىس ورنى قۇرىلادى. جالپى, 2025 جىلعا قاراي ەلىمىزدىڭ ءجىو تۋريزم ۇلەسىن 8% دەيىن ۇلعايتۋ كوزدەلگەن.
«اۋىل – ەل بەسىگى» ارنايى جوباسى اياسىندا اقمولا وبلىسىندا 2019 جىلى 19 جوبا
قاراستىرىلعان, ولاردىڭ 8-ءى بويىنشا كەلىسىمشارتقا قول قويىلعان. ەلوردا توڭىرەگىن
دامىتۋ ءۇشىن بيىل 10 جوبا ىسكە اسىرىلادى, سونىڭ ىشىندە 3-ءۋى — سۋمەن جابدىقتاۋ
جانە سۋ تارتۋ جەلىلەرىن سالۋ بويىنشا, 2 — اۆتوجول جوبالارى جانە ت.ب.
قر پرەمەر-ءمينيسترى ا. مامين «اۋىل – ەل بەسىگى» جوباسىن ىسكە اسىرۋدى ەرەكشە
باقىلاۋعا الۋدى جانە رەسپۋبليكالىق ماڭىزداعى قالالاردىڭ توڭىرەگىندەگى
ماسەلەلەردى شەشۋ مەن اباتتاندىرۋعا دەن قويۋ كەرەكتىگىن تاپسىردى.
