ساۋد ارابياسىنىڭ كورولى سالمان بەن ابدەل ءازيز ءال ساۋد قۇتتىقتاۋ حاتىندا قاسىم-جومارت توقاەۆتىڭ جۇمىسىنا تابىس, قازاقستانعا باق-بەرەكە تىلەدى.
بىرىككەن اراب امىرلىكتەرىنىڭ پرەزيدەنتى حاليفا بەن زايد ءال ناحايان دا مەملەكەت باسشىسىنا اماندىق جانە قازاقستانعا باق-بەرەكە تىلەيتىنىن جەتكىزدى.
«ءبىزدىڭ حالىقتارىمىز بەن دوستاس مەملەكەتتەرىمىزدىڭ يگىلىگى ءۇشىن ەكىجاقتى قارىم-قاتىناستاردىڭ ودان ءارى دامي تۇسەتىنىنە سەنىم بىلدىرەمىن», – دەلىنگەن جەدەلحاتتا.
باحرەين كورولى حاماد يبن يسا ءال حاليفا ەكى ەل حالىقتارى اراسىنداعى ءوزارا ءتيىمدى قاتىناستاردى دامىتۋ ماقساتىندا كوپقىرلى ىنتىماقتاستىقتى نىعايتۋ ءۇشىن بىرلەسىپ جۇمىس ىستەۋگە ءازىر ەكەنىن ايتتى.
بۇكىلالەمدىك يسلام ليگاسىنىڭ باس حاتشىسى مۇحاممەد بين ابدەل كاريم ءال-يسسا قاسىم-جومارت توقاەۆتى وسى ۇيىمعا مۇشە بارلىق مۇسىلمان ەلدەرىنىڭ اتىنان قۇتتىقتادى.
«وتانىڭىزدىڭ جانە حالىقارالىق قىزمەتتەردىڭ يگىلىگى, بەيبىتشىلىك پەن كەلىسىمنىڭ, ءوسىپ-وركەندەۋ جولىنداعى ءسىزدىڭ جۇمىستارىڭىزعا تولاعاي تابىس تىلەيمىن», – دەپ جازدى مۇحاممەد بين ابدەل كاريم ءال-يسسا.
برۋنەي سۇلتانى حاسسانال بولكياح تا قاسىم-جومارت توقاەۆتى پرەزيدەنت بولىپ سايلانۋىمەن قۇتتىقتاپ, ەكى ەل اراسىنداعى ەكىجاقتى ىنتىماقتاستىقتى, حالىقارالىق ۇيىمدار اياسىنداعى ءوزارا ءىس-قيمىلداردى تەرەڭدەتۋگە دايىن ەكەنىن جازدى.
تۇركى پارلامەنتتىك اسسامبلەياسىنىڭ باس حاتشىسى التىنبەك مامايۋسۋپوۆ تۇركىتىلدەس مەملەكەتتەردىڭ پارلامەنتتەرىنىڭ ءوزارا دوستىق قاتىناستارى مەن ىنتىماقتاستىعىنىڭ ودان ءارى دامۋىنا سەنىم ءبىلدىردى.
سونىمەن قاتار, قاسىم-جومارت توقاەۆتىڭ اتىنا يسلام ىنتىماقتاستىق ۇيىمىنىڭ باس حاتشىسى يۋسەف بەن احماد ءال-وسەيمين, ءباا ۆيتسە-پرەزيدەنتى, پرەمەر-ءمينيسترى, دۋباي بيلەۋشىسى مۇحاممەد بەن راشيد ءال ماكتۋم, ساۋد ارابياسىنىڭ كورولدىگىنىڭ تاق مۇراگەرى, مينيسترلەر كەڭەسى توراعاسىنىڭ ورىنباسارى, قورعانىس ءمينيسترى مۇحاممەد بەن سالمان ابدەل ءازيز ءال ساۋد, ابۋ ءدابيدىڭ تاق مۇراگەرى, ءباا قارۋلى كۇشتەرىنىڭ باس قولباسشىسىنىڭ ورىنباسارى مۇحاممەد بەن زايد ءال ناحايان, باا ۆيتسە-پرەمەرى, پرەزيدەنت ىستەرى جونىندەگى ءمينيسترى مانسۇر بەن زايد ءال ناحايان, تۇركى مادەنيەتى جانە مۇراسى قورىنىڭ پرەزيدەنتى گيۋناي ەفەنديەۆا قۇتتىقتاۋلارىن جولدادى.
