كۇنى كەشە وتكەن اۋدان اكىمى اپپاراتىنىڭ ماجىلىسىندە اۋدان اكىمى باقىت ناسىرحان ۇلى جاڭا باسشىنى اپپارات ۇجىمىنا تانىستىرىپ, باستاپ جاتقان قىزمەتىنە ساتتىلىك تىلەدى.
ء"بىلىم سالاسىندا 4 مىڭعا جۋىق ۇستازدار قاۋىمى قىزمەت ەتۋدە. اۋدانىمىزداعى 56 مەكتەپتە 27 مىڭنان اسا وقۋشىلارىمىز بار. وسىنداي ۇلكەن سالاعا باسشىلىق جاساۋ - ۇلكەن جاۋاپكەرشىلىكتى تالاپ ەتەدى. سوندىقتان, جاڭادان باستاپ جاتقان قىزمەتىڭە تابىس تىلەيمىن. ماقتالى ولكەنىڭ ءبىلىم سالاسىن قارقىندى دامىتۋىڭا سەنىم بىلدىرەمىن!" - دەدى ب.ناسىرحان ۇلى.
سەريكباەۆ مۋراتبەك تۋلاپوۆيچ 1975 جىلى وقو, سارىاعاش اۋدانىندا دۇنيەگە كەلگەن. 1991-1996 جىلدارى وزبەكستان رەسپۋبليكاسى گ ۇلىستان مەملەكەتتىك ۋنيۆەرسيتەتىنىڭ فيلولوگيا فاكۋلتەتىن قازاق ءتىلى مەن ادەبيەتى ماماندىعى بويىنشا بىتىرگەن.
ەڭبەك جولىن 1997 جىلى ءا.جانكەلدين اتىنداعى ورتا مەكتەبىندە قازاق ءتىلى مەن ادەبيەتى ءپانىنىڭ مۇعالىمى بولىپ باستاعان. كەيىننەن ءدال وسى مەكتەپتە ديرەكتوردىڭ وقۋ ءىسى جونىندەگى ورىنباسارى, ديرەكتوردىڭ تاربيە ءىسى جونىندەگى ورىنباسارى قىزمەتتەرىن اتقارعان.
ماقتاارال اۋدانىنىڭ ءبىلىم ءبولىمىنىڭ باسشىسى مەملەكەتتىك اكىمشىلىك لاۋازىمىنا تاعايىندالعانعا دەيىن سارىاعاش اۋدانىنىڭ ءبىلىم بولىمىنە قاراستى №100 ءا.جانكەلدين اتىنداعى جالپى ورتا مەكتەپ كوممۋنالدىق مەملەكەتتىك مەكەمەسىنىڭ ديرەكتورى بولىپ جۇمىس ىستەگەن.
ماقتاارال اۋدانى اكىمىنىڭ ءباسپاسوز قىزمەتى
