بۇل جونىندە «ازاماتتارعا ارنالعان ۇكىمەت» كورپوراتسياسىنىڭ ءباسپاسوز قىزمەتى حابارلادى. «Nur Otan» پارتياسىنىڭ XVIII سەزىندە تۇڭعىش پرەزيدەنت نۇرسۇلتان نازارباەۆتىڭ بەرگەن تاپسىرماسىنا سايكەس, مۇگەدەكتىگى بار بالالاردى تاربيەلەپ وتىرعان وتباسىلارعا بەرىلەتىن جاردەماقى كولەمى 30 پايىزعا ءوسۋى ءتيىس.
بۇگىندە مۇمكىندىگى شەكتەۋلى بالالارى بار وتباسىلار 31 183 تەڭگە جاردەماقى الىپ وتىر. ونىڭ كولەمى 1 شىلدەدەن باستاپ 41 578 تەڭگەگە وسەدى. ايتا كەتۋ كەرەك, ەلىمىزدە اتالعان ەكى جاردەماقى 95 مىڭنان استام ادامعا تاعايىندالعان. ونىڭ 82 مىڭعا جۋىعى مۇگەدەك بالانى تاربيەلەپ وتىرعاندار بولسا, 13 مىڭنان استامى – بالا كەزىنەن I توپتاعى مۇگەدەكتەرگە كۇتىم كورسەتەتىندەر.
«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بولىمشەلەرى مەن ەڭبەك كوميتەتىنىڭ ايماقتىق دەپارتامەنتتەرى جىل ورتاسىنان جاردەماقىنىڭ قايتا ەسەپتەلۋىن اۆتوماتتى تۇردە جۇزەگە اسىرادى. جاردەماقى الۋشىلار وعان قوسىمشا قۇجات تاپسىرمايدى. جاردەماقى تاعايىنداۋ شىلدەنىڭ 1-نەن تامىز ايىنىڭ 15-نە دەيىن جۇمىس كۇندەرى جۇرگىزىلەدى.
ساندۋعاش مارالباي,
ەۇۋ جۋرناليستيكا فاكۋلتەتى ستۋدەنتى
