بۇل فيلم جاقىندا عانا كاليفورنيادادا وتكەن Mammoth Lakes Film Festival فەستيۆالىندە ءۇش بىردەي جۇلدەگە يە بولدى: «كورەرمەندەر كوزايىمى» جۇلدەسى, «ۇزدىك شەتەلدىك فيلم» قۇرمەتتى سىيلىعى جانە Panavision Award جۇلدەسى. كينوتۋىندى دانيار ەسىمدى جاس جىگىتتىڭ ءومىرى تۋرالى باياندايدى. كوپ جىلدار وتكەن سوڭ تۋعان قالاسىنا ورالعان جىگىت بۇرىنعى جەرگىلىكتى تۇرعىنداردىڭ اجەپتاۋىر وزگەرگەنىن بايقايدى.
سارا لۋيز ۋيلسون امەريكاندىق ستسەناريست, رەجيسسەر ءارى پروديۋسەر. سونداي-اق ول بىرنەشە فيلمدەرگە تۇسكەن. مىسالى, «دجەللي» اتتى رومانتيكالىق كومەديادا ول باستى ءرولدى سومداعان (ناتاشا ليونن جانە ەد ماكماحونمەن بىرگە). ۋيلسون بۇل ءفيلمنىڭ ستسەناريىن دە ءوزى جازعان. ودان بولەك ول ءبىراز ۋاقىت قازاقستاندا تۇرىپ, ActionLab ارت-ستۋدياسىندا رەجيسسەرلىك شەبەرلىكتەن ءدارىس بەرگەن.
– «جول جوق» فيلمىندە مەن كينوعا العاش قادام باسقان جاس قازاقستاندىق اكتەرلەرمەن جۇمىس ىستەدىم, ولاردىڭ ءبارى دە مەنىڭ ستۋدەنتتەرىم, – دەيدى ۋيلسون.
«قازاقفيلم» كينوستۋدياسى ەندى «جول جوق» ءفيلمىنىڭ باستى يدەياسىن دامىتا وتىرىپ, حالىقارالىق تابىستى جوباعا اينالدىرىپ, تەلەۆيزيالىق سەريال ءتۇسىرۋدى كوزدەپ وتىر.
الماتى
