يدم دەرەكتەرى بويىنشا, جىل باسىنان بەرى ونەركاسىپتىك ءونىم كولەمى 102% قۇرادى, ونىڭ ىشىندە تاۋ-كەن ءوندىرىسى — 100,7%, وڭدەۋ ونەركاسىبى — 103,6%. تاۋ-كەن ءوندىرىسى سالاسىندا ءتۇستى كەندەردى ءوندىرۋ كولەمى 15,7%-عا ارتتى, تەمىر كەنىن ءوندىرۋ كولەمى 98% قۇرادى. جالپى, تەمىر كەنىن ءوندىرۋ كولەمى بويىنشا ديناميكا ارتىپ كەلەدى جانە جىل سوڭىنا قاراي 44,7 ملن توننانى قۇرايتىن بولادى.
ر. سكليار بايانداعانداي, كومىر مەن ليگنيت ءوندىرۋ كولەمى 95,8% قۇرادى. نەگىزگى كومىر وندىرەتىن كاسىپورىنداردا كومىر ءوندىرۋدىڭ تومەندەۋى ەلەكتر ستانتسيالارىنىڭ كومىر ونىمدەرىن تۇتىنۋىنىڭ ازايۋىمەن بايلانىستى. دەگەنمەن, بۇگىنگى كۇنى كومىر ەكسپورتى بويىنشا وڭ ديناميكا بايقالىپ وتىر, ءوسىم 105,6% نەمەسە 11,3 ملن توننانى قۇرادى.
وڭدەۋ ونەركاسىبىندە جەڭىل ونەركاسىپتە 23%-عا, ماشيناجاساۋدا — 16%-عا, فارماتسەۆتيكا ونەركاسىبىندە — 11,6%-عا, دايىن مەتالل بۇيىمدار سالاسىندا — 9,2%-عا, قۇرىلىس ماتەريالدارىندا — 3,4%-عا ءوسىم بايقالىپ وتىر.
كولىك كەشەنى بويىنشا 2019 جىلعى قاڭتار-مامىر ايلارىندا ناقتى كولەم يندەكسى 105,3% قۇرادى. جالپى, بارلىق كولىك تۇرلەرىنىڭ جۇك تاسىمالداۋ كولەمىنىڭ ءوسىمى 3,7% بولدى. وتكەن جىلدىڭ سايكەس كەزەڭىمەن سالىستىرعاندا قازاقستان ارقىلى وتەتىن كونتەينەرلىك تاسىمالدار 47%-عا ءوسىپ, 240 مىڭ جفە قۇرادى.
قۇرىلىس بويىنشا ناقتى كولەم يندەكسى قاڭتار–مامىردا 108,8% قۇرادى. 15 وڭىردە وڭ قارقىن بايقالادى. تۇرعىن ءۇي قۇرىلىسى بويىنشا 5 ايدىڭ قورىتىندىسى بويىنشا 4,6 ملن شارشى مەتر تۇرعىن ءۇي پايدالانۋعا بەرىلدى, بۇل 2018 جىلدىڭ سايكەس كەزەڭىمەن سالىستىرعاندا 100,1% قۇرايدى.
«رەسپۋبليكا بويىنشا جالپى 40 546 تۇرعىن ءۇي بەرىلدى. وتكەن جىلمەن سالىستىرعاندا تۇرعىن ءۇيدى پايدالانۋعا بەرۋ كولەمىنىڭ ارتۋى رەسپۋبليكانىڭ 15 وڭىرىندە جالعاسۋدا. جىلدىق جوسپارعا قول جەتكىزۋ بويىنشا قابىلدانعان مىندەتتەمەلەردى ورىنداۋ ءۇشىن وبلىستاردىڭ اكىمدىكتەرىنە وزدەرىنىڭ جۇمىسىن جانداندىرۋ قاجەت», — دەدى ر. سكليار.
