ايماقتار • 11 ماۋسىم، 2019

اۋىلداعى الامان

226 رەتكورسەتىلدى

ۇزىنبۇلاق اۋىلىنىڭ تۇرعىندارى «اۋىل – ەل بەسىگى» اتتى مەرەكە ۇيىمداستىردى. كيىز ۇيلەر تىگىلىپ، داستارقانعا باۋىرساق شاشىلدى. الدىمەن اۋىل اكىمى اسقار مۇرات ۇلى قۇتتىقتاۋ ءسوزىن ارنادى. اۋىلدىقتار سوعىس بوزداقتارى مەن ارداگەرلەرىن ەسكە الدى. تۇرعىنداردىڭ باستاماسىمەن رامازان ايىندا مەشىت سالاتىن ورىن بەلگىلەنىپ، جوباسى ماقۇلدانعان بولاتىن. كەلەسى كەزەكتە اۋىل تۇگەل بايگەتوبەنىڭ باسىنا اسىعا جەتتى.

بىلتىر اقشي اۋىلىندا 3 جاڭا تۇرعىن ءۇي سالىنىپتى. ۇزىن­بۇلاقتاعى دارىگەرلىك پۋنكتكە 2،5 ميلليون تەڭگەگە كۇردەلى ءجون­دەۋ جۇمىستارى جۇرگىزىلگەن. ءبۇ­گىندە ە.بەكماحانوۆ اتىنداعى ورتا مەكتەپتە 112 وقۋشى ءبىلىم الا­دى. مەكتەپ جانىنداعى «بال­بو­بەك» شاعىن ورتالىعىندا 40 بالا ءتار­­بيە­لەنۋدە. سىنىپتارعا مۋل­تي­مەديالىق قۇرالدار ورناتىلعان.

الداعى ۋاقىتتا ۇزىنبۇلاق­تاعى مادەنيەت ءۇيىنىڭ قاس بە­تىنە، ەلەكتر قۋاتى جۇيە­لە­رىنە ءجون­دەۋ جۇرگىزىپ، مەكتەپتىڭ بار­لىق ەسىك-تەرەزەلەرىن زاماناۋي ءتۇر­دە جا­ڭالاپ، ەدەن تاقتايلارى اۋىس­تى­رىلماق. 

اۋىلدىڭ ىشكى كوشەلەرىنە، زيراتتارعا، مال جايىلىمىن ۇل­عاي­تۋعا جەر تەلىمدەرىن راسىمدەۋ، تەڭدىك – ۇزىنبۇلاق، ۇزىنبۇلاق – اقشي اۋىلدارىنىڭ اۆتوكولىك جول­دارىنا اعىمداعى جوندەۋ جۇمىستارى جۇرگىزىلەدى.

ال «اۋىلىم – التىن بەسىگىم» مەرەكەسى اياسىندا جىلداعىداي ءداستۇرلى ۇلتتىق سپورت ويىندارى ءوتتى. قاراعاندى وبلىسىنىڭ دا ات­بەگىلەرى اسىعا جەتىپتى. كۇمبىر­لەگەن كۇي، اۋەلەگەن اۋەندەردى شىرقاعان اۋىل ونەرپازدارى، «اجەلەر» ءانسامبلى، كىشكەنتايلار مەرەكەلىك كوڭىل كۇي سىيلادى. كون­تسەرتتى اۋىلدىق مادەنيەت ءۇيى­نىڭ مەڭگەرۋشىسى سامات ابجا­نوۆ پەن ە.بەكماحانوۆ اتىنداعى مەك­تەپتىڭ وقۋشىسى جانسايا عي­نايات جۇرگىزدى.

«تەڭگە الۋ» ويىنىندا نۇرزات تايتولەۋ، دانيال ورال العاشقى ورىنداردى جەڭىپ السا، كورشىلەس تورتكول اۋىلىنان كەلگەن تولە­گەن سەرعازيەۆ ءۇشىنشى ورىندى يە­لەندى. ال «اۋدارىسپاق» سىنىندا ۇزىنبۇلاق اۋىلىنىڭ بالۋانى الىبەك تايتولەۋ بارلىق قارسىلاسىنان باسىم ءتۇستى. جا­ڭا­قالا اۋىلىنان كەلگەن بالۋان ناريمان قاسەنوۆ ەكىنشى، ۇزىن­­بۇلاق اۋىلىنىڭ بالۋانى ارىستان اقىلبەكوۆ ءۇشىنشى ورىن­­دى جەڭىپ الدى. سايگ ۇلىكتەر «تاي جارىس»، «توق بايگە» جانە 30 شاقى­رىمدىق «الامان بايگەگە» شىقتى. ءار بايگەدە مارە سىزىعىنا بۇرىن جەتكەن 6 سايگ ۇلىككە جۇلدە بەرىلدى. بايگەدە جالپى سانى 40-تان اسا جۇيرىك جارىس جولىنا ءتۇستى. تاي جارىستا كورشىلەس رودنيكوۆسكي اۋىلىنىڭ اتبەگىسى لەنيا سپيريدونوۆتىڭ اتى وزىپ كەلدى. بۇقار جىراۋ اۋىلىنىڭ اتبەگى نۇرجان ەرمەكوۆتىڭ تايى ەكىنشى، اقشي اۋىلىنىڭ اتبەگى باقىت ءجامينوۆتىڭ تايى ءۇشىنشى ورىنعا يە بولدى. توق بايگەدە مۇسا شورمان اۋىلىنىڭ اتبەگى سەرىك اۋتاەۆتىڭ تۇلپارى مارە سىزىعىن ءبىرىنشى بولىپ كەسىپ ءوتتى. 

اۋىل اكىمى اسقار مۇرات ۇلى­نىڭ ايتۋىنشا، شالعايداعى اۋىل ۇمىت قالعان جوق، مال-جان امان. داستارقان توق. سالت-ءداس­­تۇرىن ساقتاعان ەل ءىشى وسىنداي مەرەكەلەرى ارقىلى بالالار مەن جاستارعا تانىمدىق، ۇلتتىق تاربيە قالدىرارى ءسوزسىز. 


پاۆلودار وبلىسى، باياناۋىل اۋدانى
سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار