بۇل جوبا – مەملەكەت باسشىسى قاسىم-جومارت توقاەۆتىڭ جەرگىلىكتى اتقارۋشى ورگانداردىڭ حالىقپەن تىعىز بايلانىس ورناتۋدىڭ جاڭا فورماتىنا كوشۋ تۋرالى تاپسىرماسى اياسىندا قالا اكىمى ع.ءابدىراحىموۆتىڭ باستاماسىمەن جۇزەگە اسىپ وتىر.
اكىمدىك عيماراتىنىڭ ءبىرىنشى قاباتىنان اشىلعان «حالىقپەن قىزمەت» ورتالىعىندا تۇرعىندار ءۇشىن ارنايى ەلەكتروندى كەزەك زالى قىزمەت ەتە باستادى. وندا ماماندار كەلۋشىلەرگە جەر, تۇرعىن ءۇي, الەۋمەتتىك سالالار مەن قۇرىلىس, جول سىندى ماسەلەلەر بويىنشا كەڭەس بەرىپ, قىزمەت كورسەتەتىن بولادى. كەلۋشىلەر ءۇشىن كۇتۋ زالى, تەگىن wi-fi مەن بانكوماتتار جانە تولەم تەرمينالدارى, ارنايى e-gov پورتالىنا قوسىلعان تەرمينالدار ورناتىلعان.
سونىمەن قاتار مۇندا قالا اكىمى مەن ورىنباسارلارى تۇرعىندارمەن «اشىق ديالوگ» فورماتىندا جۇمىس ىستەۋ ءۇشىن open space زالدارى قۇرىلدى. وندا قالا اكىمىنەن بولەك, ونىڭ ورىنباسارلارى ءوز سالالارى بويىنشا اپتا سايىن ازاماتتاردى جەكە ماسەلەلەرى بويىنشا قابىلدايدى.
ن.نازارباەۆ داڭعىلى, 10-ءۇي مەكەنجايىندا ورنالاسقان اتالعان ورتالىق مەملەكەتتىك قىزمەت سالاسىن ۋاقىت تالابىنا ساي جەتىلدىرىپ, باسقارۋ جۇيەسىنىڭ تيىمدىلىگىن ارتتىرادى.
شىمكەنت
