اعىمداعى ەگىن ەگۋ ناۋقانىن جۇرگىزۋ ءۇشىن شامامەن 2,5 ملن توننا تۇقىم ەگىلىپ, 471,4 مىڭ توننا تىڭايتقىشتار سالۋ جوسپارلانعان. ءارتاراپتاندىرۋ شەڭبەرىندە استىق داقىلدارىنىڭ (ارپا, س ۇلى, بۇرشاق جانە نوقات, بيداي ءۇشىن جۇگەرى), كوكونىستەر مەن قاۋىندار, كارتوپ جانە جەم-ءشوپ داقىلدارى ەگىلەتىن القاپتار كەڭەيتىلدى.
ءبىرىنشى ۆيتسە-مينيستر ءوندىرىستى ءارتاراپتاندىرۋ ماقساتىندا اۋىل شارۋاشىلىعى مينيسترلىگى سولتۇستىك قازاقستان وبلىسىنىڭ اكىمدىگىمەن بىرلەسىپ «سولتۇستىك سويا» باعدارلاماسىنىڭ ازىرلەنگەنىن حابارلادى. باعدارلاما سولتۇستىك وڭىرلەردە سويا ونىمدەرىن ءوندىرۋدە اۋىل شارۋاشىلىعى تاۋارلارىن وندىرۋشىلەرگە كومەك كورسەتۋگە باعىتتالعان. سولتۇستىك قازاقستان وبلىسىندا اعىمداعى ەگىس ناۋقانى اياسىندا 14 مىڭ گەكتار ەگىلدى. جالپى العاندا, «سولتۇستىك سويا» باعدارلاماسىن ىسكە اسىرۋ 5 جىلدا 1,5 ملن گەكتارعا دەيىن سويا ءوسىرۋ الاڭدارىن ۇلعايتۋعا, كىرىسىن گەكتارىنا 30 تسەنتنەرگە دەيىن ارتتىرۋعا, جالپى ءونىمدى 3,2 ملن تونناعا دەيىن وڭدەۋگە ارنالعان جابدىقتاردى جانە ەكسپورتتى ۇلعايتۋعا ءمۇمكىندىك بەرەدى, بۇل ءوز كەزەگىندە ءونىمدەر ەكسپورتىن ارتتىرىپ, جۇمىس ورىندارىنىڭ سانىن كوبەيتىپ, ونىمدىلىككە ىقپالىن تيگىزەدى.
«پروبلەمالارى بار اگروحولدينگتەر بويىنشا كوكتەمگى ەگىس جۇمىستارىنىڭ جۇرگىزىلۋى تۋرالى جەكەلەي ايتا كەتكەن ءجون. ءتيىستى جۇمىستار اتقارىلدى, اگروحولدينگتەردىڭ 1,6 ملن گەكتار كولەمىندەگى ەگىس القابىنا ەگىن سالۋ بويىنشا جوسپارلانعان شارالار ورىندالدى, جالاقى جانە سالىق بويىنشا ماسەلەلەر شەشىلدى. بيىل كۇزدە ۇلەسكەرلەر ءوزدەرىنىڭ ديۆيدەندتەرىن الادى», دەپ ناقتىلادى اۋىل شارۋاشىلىعى ءبىرىنشى ۆيتسە-ءمينيسترى.
ايداربەك ساپاروۆ اتاپ وتكەندەي, قازاقستاندا وتاندىق ماشينا جاساۋ سالاسىنا كوڭىل بولىنۋدە. «جاقىندا پرەمەر-مينيستر ا.ءماميننىڭ ماسكەۋگە ساپارى كەزىندە رف پرەمەر-مينيسترى د.مەدۆەدەۆپەن بىرگە ىنتىماقتاستىق تۋرالى مەموراندۋمعا قول قويىلدى. قازاقستاندا ك-744 كومبايندارىن جيناۋ تۋرالى كەلىسىمگە قول جەتكىزىلدى. قوستانايدا كومبايندار, كوكشەتاۋدا كاماز-دار قۇراستىرىلاتىن بولادى. بىزدە قۇراستىرىلاتىن تەحنيكاعا 25% سۋبسيديا ۇسىنىلادى. قوسىمشا تاعى 10% جەرگىلىكتى بيۋدجەتتەن بەرىلۋى مۇمكىن», دەدى ا. ساپاروۆ.
«قازاگرو» ۇبح اق باسقارۋشى ديرەكتورى اسىلحان دجۋۆاشەۆ اۋىل شارۋاشىلىعى تەحنيكاسىنىڭ ليزينگىن قارجىلاندىرۋ تەتىگى تۋرالى ايتىپ بەردى. «جىل سايىن تەحنيكانى 6%-عا دەيىن جاڭارتۋ قاجەت. بۇگىنگى تاڭدا تەحنيكا جىلىنا 1,5-2%-عا جاڭارتىلادى. وسىعان بايلانىستى «قازاگروقارجى» بەلسەندى جۇمىس جۇرگىزىپ جاتىر», دەدى ا.دجۋۆاشەۆ.
قازىرگى كەزدە اۋىل شارۋاشىلىعى مينيسترلىگىنىڭ سىياقى مولشەرلەمەسىن سۋبسيديالاۋ باعدارلاماسىن ەنگىزۋى ارقىلى سىياقى مولشەرلەمەسىن جىلىنا 4-6%-عا دەيىن ءتيىمدى تومەندەتۋ ءمۇمكىندىگى پايدا بولدى. ءناتيجەسىندە, تاپسىرىس كولەمى وتكەن جىلعى تاپسىرىس كولەمىنەن 1,5 ەسەگە ارتتى.
