قوعام • 11 ماۋسىم، 2019

تمد ەلدەرى جاس ارحيۆشىلەرىنىڭ III جازعى مەكتەبى اشىلدى

164 رەتكورسەتىلدى

قازاقستان رەسپۋبليكاسى پرەزيدەنت ارحيۆىندە تمد ەلدەرى جاس ارحيۆشىلەرىنىڭ ءىىى جازعى مەكتەبى رەسمي تۇردە اشىلدى.

داستۇرگە اينالا باستاعان ارحيۆ قىزمەتكەرلەرىنىڭ زاماناۋي ۇلگىدەگى باسقوسۋىنا رەسەي، وزبەكستان، قىرعىزستان ەلدەرىنەن 100-دەن اسا جاس مامان قاتىسىپ، ولار بەس كۇن بويى ارحيۆ جانە ارحيۆ قۇجاتتارىمەن جاڭا تاسىلدە جۇمىس ىستەۋ ىسىنە بايلانىستى قىزىقتى دارىستەر تىڭدايدى. بيىلعى جازعى مەكتەپتىڭ لەكتورلارى رەتىندە پولشا، رەسەي جانە قازاقستاننىڭ ارحيۆ ءىسى بويىنشا جەتەكشى ماماندارى شاقىرىلىپ وتىر. پرەزيدەنت ءارحيۆىنىڭ ديرەكتورى ءجاميلا ابدىقادىروۆانىڭ قۇتتىقتاۋ سوزىمەن اشىلعان جيىنعا رەسەي مەملەكەتتىك گۋمانيتارلىق ۋنيۆەرسيتەتى تاريح-ارحيۆ ينستيتۋتىنىڭ كافەدرا مەڭگەرۋشىسى، پروفەسسور ميحايل لارين، الماتى قالاسىنداعى پولشا رەسپۋبليكاسىنىڭ باس كونسۋلى ميحايل بوگدانوۆيچ، رەسەي فەدەراتسياسىنىڭ الماتى قالاسىنداعى ۆيتسە-كونسۋلى باگير ماميەۆ، پولشاداعى ماريا سكلادوۆسكايا-كيۋري ۋنيۆەرسيتەتىنىڭ ارحيۆتانۋ جانە قوسىمشا تاريح پاندەرى كافەدراسىنىڭ دوتسەنتى ارتۋر گوراك، اقپارات جانە اكىمشىلىك تەحنولوگيالار ينستيتۋتىنىڭ ديرەكتورى، پروفەسسور بوريس جاپاروۆ پوستكەڭەستىك ەلدەردەن جيىلعان جاس ارحيۆشىلەردىڭ جۇمىسىنا ساتتىلىك تىلەپ، ءوزارا ىنتىماقتاستىقتى ارتتىرىپ، تاجىريبە الماسۋدى ءالى دە تەرەڭدەتە ءتۇسۋدىڭ نەگىزىندە ءتيىمدى ورتاق ناتيجەگە قول جەتكىزۋگە بولاتىنىنا توقتالدى.

جاس ارحيۆشىلەردىڭ جازعى مەكتەبى تمد ەلدەرى ارحيۆ مەكەمەلەرىنىڭ ماماندارى ءۇشىن جاڭا زاماناۋي فورماتتاعى كاسىبي ءبىلىم الاتىن الاڭ بولىپ تابىلادى.       پرەزيدەنت ءارحيۆىنىڭ باستاماسىمەن، ءال-فارابي اتىنداعى قازاق ۇلتتىق ۋنيۆەرسيتەتىنىڭ بىرلەسە قولداۋىمەن ۇيىمداستىرىلىپ وتىرعان جازعى مەكتەپ قاتىسۋشىلارىنىڭ ساندىق اقپارات پەن ەلەكتروندى قۇجاتتاردى ارحيۆتەگى ءىس جۇرگىزۋ جۇمىسىنا پايدالانۋدىڭ توڭىرەگىندە ءبىر-بىرىنە ۇيرەتەرى از ەمەس. وسىدان ون-ون بەس جىل بۇرىنعى ساعاتتاپ، ءتىپتى تاۋلىكتەپ كۇتۋگە ءماجبۇر بولاتىن تاپسىرىس بەرۋشىلەردىڭ سۇراعان كىتاپتارى مەن قۇجاتتارىن ارباعا تيەپ اكەپ، تاراتاتىن ءتاسىل كەلمەسكە كەتىپ بارادى. ارحيۆ قۇجاتتارىن ەلەكتروندى نۇسقاعا كوشىرىپ، قاجەتتى قۇجاتتى قينالماي تاۋىپ الۋعا مۇمكىندىك بەرەتىن بۇگىنگى تسيفرلى ءادىستى يگەرۋ ەڭ الدىمەن ارحيۆشىلەر ءۇشىن قاجەت ەكەنى ءار تاريحشىنىڭ دارىسىندە ءتۇرلى مىسالدارمەن تارقاتىلىپ جاتتى. ءبىر سوزبەن ايتقاندا، بيىلعى مەكتەپ دارىستەرىندە ارحيۆتەردى ساندىق جۇيەمەن قامتاماسىز ەتۋ، ەلەكتروندىق قۇجاتتاردىڭ ساقتالۋى، كۇندەلىكتى ارحيۆ قىزمەتىندە زاماناۋي اقپاراتتىق تەحنولوگيالاردىڭ ەنگىزىلۋى مەن پايدالانىلۋى ماسەلەلەرىنە كوپ كوڭىل اۋدارىلعان.

ءىس-شارا باعدارلاماسى اسا باي، وندا پىكىرسايىس-تالقىلاۋلار، شەبەرلىك ساعاتتارى، ىسكەرلىك ويىندار، تۇساۋكەسەرلەر، سونىمەن قاتار، قازاقستاننىڭ مەملەكەتتىك ارحيۆتەرىمەن تانىستىرۋ جاعى قامتىلعان.

قاتىسۋشىلاردىڭ نازارىنا زاماناۋي ارحيۆ جابدىقتارى مەن كومپيۋتەرلىك تەحنيكالار ۇسىنىلدى. ءىس-شارا قاتىسۋشىلارىنا ارنايى FeebMe ءموبيلدى قولدانباسىندا جەكە كەڭىستىك اشىلدى. ونىڭ كومەگىمەن قاتىسۋشىلار ەلەكتروندى تىركەۋدەن ءوتىپ، قاجەتتى اقپاراتقا قول جەتكىزىپ قانا قويماي، سپيكەرلەرگە ونلاين سۇراقتار قويىپ، پىكىرلەر مەن جازبالار قالدىرا الادى.

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ارىستار رۋحىنا قۇرمەت

پىكىر • بۇگىن، 08:33

ەل ءۇشىن ماڭىزدى باستاما

پىكىر • بۇگىن، 08:25

وڭ وزگەرىستەرگە جول اشادى

پىكىر • بۇگىن، 08:09

شىرعالاڭ شىندىعى

الەم • بۇگىن، 08:04

ۇقساس جاڭالىقتار