بۇل تۋرالى وڭىرلىك كوممۋنيكاتسيا قىزمەتىندە وتكەن بريفينگتە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقتوبە وبلىسى بويىنشا دەپارتامەنتىنىڭ باس مامانى الماز عيلمانوۆ جەتكىزدى.
جالعان اۆتوكولىك نومىرلەرىنىڭ پايدا بولۋىنا تۇرتكى بولعان كىمدەر؟ ماسەلەنىڭ ءمانىسىن بايىپتاي كەلگەندە, گاپ تومەندەگىدەي بولىپ شىقتى. ياعني, جىمىسقى ارەكەتتى جاساۋعا بەل بۋعاندار اقىسىز ينتەرنەت كوزدەرىنە جارنامالار بەرۋ ارقىلى ءوز قىزمەتتەرىن اشىقتان-اشىق ۇسىنادى. ناتيجەسىندە, جالعان ءنومىر ساتۋشىلاردىڭ قىزمەتىن پايدالانۋعا مۇددەلىلىك تانىتۋشىلار بوي كوتەرە باستاپتى. جاسىرىن جۇرگىزۋشىنىڭ, ءبىر سوزبەن ايتقاندا وزگە اۆتوكولىكتىڭ جول-قوزعالىس ەرەجەسىن ساقتاماي, ەمىن-ەركىن جۇرە بەرۋىنە جاعداي جاسالاتىن كورىنەدى.
سونداي-اق جالعان ءنومىر جاعدايىندا جول-كولىك قوزعالىسىن بۇزعانداردىڭ بەينەكامەراعا ءتۇسىپ قالاتىن كەزىندە ايىپپۇل تولەمەۋىنە تاپتىرماس مۇمكىندىك تۋماق. بۇعان قىزىعۋشىلىقتىڭ باستى سىرى دا وسىندا. قازىر اۆتوكولىكتىڭ ارتقى جانە الدىڭعى جاعىنداعى جالعان نومىرلەردىڭ باعاسى 7000 تەڭگەنىڭ ۇستىندە ەكەنى دە بەلگىلى بولىپ وتىر. سىرت كوزگە ناعىز مەملەكەتتىك نومىردەن ايىرماشىلىعى جوق دەسە دە بولادى. مۇنداي جاعدايدا جالعان ءنومىردى بىردەن انىقتاۋ دا وڭايعا تۇسە قويمايتىنى ءمالىم. ونىڭ انىق-قانىعى قازىرگى كەزدە اقتوبەدە جول-كولىك ەرەجەسى بۇزىلىپ, ونى اكىمشىلىك پوليتسيا قىزمەتكەرلەرى مالىمەتتەر بازاسىنان تەكسەرگەن كەزدە عانا انىقتالۋدا. راس, ازىرگە وبلىس ورتالىعىندا جالعان ءنومىردى پايدالانۋ دەرەكتەرى ايتارلىقتاي كوپ دەۋگە بولمايدى. ءازىرگە كوزگە كورىنبەي, بايقالماي جۇرگەن جالعان ءنومىر يەلەرى جانە ونى جاساۋشىلار قانشا ەكەنى بەلگىسىز كۇيىندە قالىپ وتىر.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقتوبە وبلىسى بويىنشا دەپارتامەنتى جالعان مەملەكەتتىك ءنومىر جاساۋشىلاردى انىقتاۋ ءۇشىن اقتوبە وبلىستىق پوليتسيا دەپارتامەنتىنە ۇسىنىس حات ءتۇسىردى.
اقتوبە
