№ 80 سايلاۋ ۋچاسكەسىندە (س. سەيفۋللين كوشەسى, 59) داۋىس بەرۋ قازاقستان رەسپۋبليكاسىنىڭ مەملەكەتتىك ءانۇرانىن ورىنداۋمەن باستالدى.
«بايقوڭىر» اۋدانىنىڭ تۇرعىندارى تاڭەرتەڭنەن باستاپ قازاقستان پرەزيدەنتىنە داۋىس بەرۋ ءۇشىن كەلدى. ەڭ العاشقى سايلاۋشىلار ەستەلىك سىيلىقتار الدى.
«تۇرعىندار تاڭەرتەڭنەن باستاپ سايلاۋعا بەلسەندى قاتىسا باستادى, نەگىزىنەن بۇل جاستار مەن اعا بۋىن وكىلدەرى. بۇل قۋانتارلىق جايت. سايلاۋ ۋچاسكەسىندە داۋىس بەرۋگە بارلىق جاعداي جاسالعان. ال مەن ەلىمىزدىڭ ازاماتى رەتىندە ءوز تاڭداۋىمدى جاساپ, داۋىس بەردىم», - دەپ اتاپ ءوتتى № 80 سايلاۋ ۋچاسكەسىنىڭ توراعاسى جەڭىس تەلەميسوۆ.
قالانىڭ سايلاۋ ۋچاسكەلەرىندە ءۇش مىڭعا جۋىق سايلاۋ كوميسسياسى جۇمىس ىستەيدى. ولاردىڭ 1109-ى ساياسي پارتيالاردىڭ مۇشەسى بولسا, 1399 – قوعامدىق بىرلەستىكتەردىڭ وكىلى, سونداي-اق 318 ادام جوعارى سايلاۋ كوميسسيالارى تاراپىنان ۇسىنىلدى.
سايلاۋ كوميسسيالارى مۇشەلەرىنىڭ قاتارىنا ساياسي پارتيالار مەن ۇەۇ, كوممەرتسيالىق قۇرىلىمداردىڭ وكىلدەرى, زەينەتكەرلەر, ءوزىن-ءوزى جۇمىسپەن قامتىعان ازاماتتار, ستۋدەنتتەر جانە ءتۇرلى مەكەمەلەردىڭ قىزمەتكەرلەرى كىردى.
ۋچاسكەلىك سايلاۋ كوميسسيالارىنىڭ ساندىق قۇرامى سايلاۋشىلاردىڭ سانىنا بايلانىستى 5-تەن 11 ادامعا دەيىن انىقتالادى.
ءاربىر سايلاۋ ۋچاسكەسىندە ساياسي پارتيالار مەن قوعامدىق بىرلەستىكتەردەن 2 باقىلاۋشى جۇمىس ىستەيدى.
