التى ساعاتقا سوزىلعان بيىلعى «قازاقستان بارىسى» ءتۋرنيرىنىڭ فينالىنا شىعىس قازاسقتان وبلىسىنىڭ ەكى بالۋانى ايبەك نۇعىماروۆ پەن ەراسىل قاجىباەۆ شىقتى. وتە تارتىستى وتكەن بەلدەسۋدە ايبەكتىڭ باعى جانىپ, ەكىنشى رەت «قازاقستان بارىسى» اتاندى. ال اتالعان جارىسقا ەكىنشى رەت قاتىسىپ, ەكىنشى رەت فينالدا باس جۇلدەدەن قول ءۇزىپ قالعان ەراسىل قاجىباەۆ بيىل دا «كۇمىس بەلبەۋ» يەگەرى اتاندى.
2019 جىلعى «قازاقستان بارىسىن» انىقتايتىن شەشۋشى سايىستىڭ الدىندا جۇلدە بەرىلەتىن ءۇشىنشى ورىن ءۇشىن بەلدەسۋ ءوتتى. نۇر-سۇلتان قالاسىنىڭ بالۋانى ايبەك سەيتەن مەن الماتى قالاسىنىڭ ارلانى رۋسلان ابدىرازاقوۆ اراسىنداعى جەكپە-جەكتە كوپ جىلدىق تəجىريبە ءوز ءسوزىن ايتتى. قوس استانانىڭ بالۋاندارى كەزدەسكەن بەلدەسۋدە رۋسلان ابدىرازاقوۆ ەكىنشى رەت «قازاقستان بارىسىنىڭ» قولا جۇلدەسىن يەلەندى.
«قازاقستان بارىسى» ءتۋرنيرىنىڭ جەڭىمپازى مەن جۇلدەگەرلەرىن ماراپاتتاۋ شاراسىنا مادەنيەت جانە سپورت ءمينيسترى ارىستانبەك مۇحامەدي ۇلى, حالىقارالىق قازاق كۇرەسىنىڭ پرەزيدەنتى قانات بوزىمباەۆ, نۇر-سۇلتان قالاسىنىڭ اكىمى باقىت سۇلتانوۆ, ماسكەۋ وليمپياداسىنىڭ چەمپيونى جاقسىلىق ۇشكەمپىروۆ, «قازاقستان بارىسى» قازاق كۇرەسىن دامىتۋ قورى قامقورلىق كەڭەسىنىڭ توراعاسى ارمان شوراەۆ قاتىستى. 2019 جىلعى «قازاقستان بارىسى» ايبەك نۇعىماروۆتىڭ بەلىنە «التىن بەلبەۋدى» ارىستانبەك مۇحامەدي ۇلى بايلادى. سونىمەن قاتار شىعىسقازاقستاندىق بالۋانعا «التىن تايتۇياق» پەن 25 ميلليون تەڭگەنىڭ سەرتيفيكاتى تابىس ەتىلدى. بالۋاننىڭ باپكەرى دە قۇرالاقان قالعان جوق, چەمپيوننىڭ جاتتىقتىرۋشىسى 3,5 ميلليون تەڭگە سىياقىعا يە بولدى.
بۇدان بولەك, تۋرنيردە كۇمىس جۇلدەگەر اتانعان ەراسىل قاجىباەۆقا «كۇمىس بەلبەۋ» مەن 5,5 ميلليون تەڭگە تاپسىرىلدى. ال ونىڭ باپكەرى 1,8 ميلليون تەڭگە يەلەندى. ءۇشىنشى ورىن يەلەنگەن رۋسلان ابدىرازاقوۆقا 1,8 ميلليون تەڭگە, باپكەرىنە 900 مىڭ تەڭگەنىڭ سەرتيفيكاتى تابىستالدى.
