ارنايى كۋرستان وتكەندەر قاتارىندا نۇر-سۇلتان شاھارى, شىعىس قازاقستان, قوستاناي, قاراعاندى, اقمولا, تۇركىستان جانە اقمولا وبلىستارىنىڭ اكىمدىكتەرى مەن پارلامەنت ءماجىلىسىنىڭ, مادەنيەت جانە سپورت, ەنەرگەتيكا مينيسترلىكتەرىنىڭ, سونداي-اق باس پروكۋراتۋرانىڭ قىزمەتكەرلەرى بار. سەرتيفيكاتتاردى احقو باسقارما توراعاسىنىڭ ورىنباسارى قايرات ايتەكەنوۆ, پرەزيدەنت جانىنداعى مەملەكەتتىك باسقارۋ اكادەمياسىنىڭ رەكتورى ءالتايىر احمەتوۆ, احقو اكادەميالىق كەڭەسىنىڭ توراعاسى الەكساندرا ۆان دە پۋتت تابىستادى.
ءا.احمەتوۆ بۇگىندە مەملەكەتتىك قىزمەتكەرلەردىڭ جاڭا بۋىنى قالىپتاسقانىن, ولارعا قويىلاتىن تالاپ تا كۇشەيگەنىن جەتكىزدى. اتالعان كۋرستى ءتامامداعان تۇركىستان وبلىستىق تۋريزم جانە سىرتقى ساياسات باسقارماسىنىڭ ءبولىم باسشىسى پەريزات قونىسباەۆا ەندى كورگەن-تۇيگەنىن ءوز وڭىرىندە جۇزەگە اسىرماق.
– قاراجاتتى جۇمساۋ مادەنيەتى, الەمدىك ەكونوميكاداعى سوڭعى ۇردىستەر جايلى كەڭىنەن ماعلۇمات الدىق. ونىڭ ىشىندە جاسىل تەحنولوگيانى دامىتۋ جولدارى, ينۆەستيتسيا تارتۋ امالدارى قاراستىرىلدى. احقو-نى الەمدىك دەڭگەيگە كوتەرۋ جونىندە ىلكىمدى ويلار ايتىلدى. تۋريزم سالاسىندا قىزمەت ەتكەندىكتەن قارجى ينستيتۋتتارىمەن جۇمىستى جولعا قويۋدىڭ تەتىكتەرىن, سونىمەن قوسا ىنتىماقتاستىقتى ارتتىرۋدىڭ ءادىسىن مەڭگەردىك, – دەيدى مەملەكەتتىك قىزمەتكەر.
جاقسىلىق مۇراتقالي,
«Egemen Qazaqstan»
