ولاي دەيتىنىمىز, اۋدان تابيعات قۇبىلىستارىنىڭ ءوزىن كادەگە جاراتىپ, اۋىل جاعدايىنىڭ جاقسارۋىنا ۇلەس قوسىپ كەلەدى. ەلباسى نۇرسۇلتان نازارباەۆ «قازاقستان-2050» ستراتەگياسىندا «كومىرسۋتەگى شيكىزاتىنىڭ نارىعىندا ءىرى ويىنشى بولىپ قالا وتىرىپ, ءبىز ەنەرگيانىڭ بالامالى تۇرلەرىن ءوندىرۋدى دامىتۋعا, كۇن مەن جەلدىڭ ەنەرگياسىن پايدالاناتىن تەحنولوگيالاردى بەلسەندى ەنگىزۋگە ءتيىسپىز. 2050 جىلعا قاراي ەلدە ەنەرگيانىڭ بالامالى جانە جاڭعىرتىلاتىن تۇرلەرىن قوسا العانداعى بارلىق ەنەرگيا تۇتىنۋدىڭ كەم دەگەندە تەڭ جارتىسى كەلۋگە ءتيىس», دەگەن بولاتىن. ەندىگى جەردە ەلباسى تاپسىرماسىنان تۋىنداعان مىندەتتەردى جۇزەگە اسىرۋ ءۇشىن اۋدان احۋالىن ارتتىرۋ ماقساتىندا ينۆەستيتسيا تارتۋ جۇمىستارى قارقىن الدى.
اۋدان اكىمى دوسماحانبەت اليەۆتىڭ ايتۋىنشا, اعىمداعى جىلدىڭ قاڭتار-ناۋرىز ايلارىندا تالاس اۋدانىندا نەگىزگى كاپيتالعا سالىنعان ينۆەستيتسيالاردىڭ جالپى كولەمى 1475,2 ميلليون تەڭگەنى قۇراعان. ال اۋدان بويىنشا 55 مىڭ 179 ادام بار بولسا, اۋدان تۇرعىندارىنىڭ جان باسىنا شاققانداعى نەگىزگى كاپيتالعا سالىنعان ينۆەستيتسيا كولەمى 26,7 مىڭ تەڭگەگە جەتكەن. سونىمەن قاتار اۋدان اكىمدىگىنىڭ ءمالىمەتىنشە, قازىرگى تاڭدا اۋداندا ەكى ينۆەستيتسيالىق جوبا ىسكە اسىرىلۋدا. اتاپ ايتقاندا, ءبىرىنشى جوبا قۇنى 1867,6 ميلليون تەڭگەنى قۇرايتىن, قۋاتتىلىعى 4,5 مۆت بولاتىن جەل ەلەكتر ەنەرگياسىن ءوندىرۋ كەشەنى. اتالعان ماقساتتاعى كاسىپورىن سالۋ ءۇشىن «Wind Power city» جاۋاپكەرشىلىگى شەكتەۋلى سەرىكتەستىگىنە قىزىلاۋىت اۋىلدىق وكرۋگىنەن 21 گەكتار جەر ۋچاسكەسى ءبولىنىپ بەرىلىپتى. اكىمدىكتىڭ مالىمەتىنشە, جوبانىڭ جوبالىق سمەتالىق قۇجاتتارى دا دايىن ەكەن. جوبا تولىقتاي ىسكە اسقان جاعدايدا مۇندا 12 جۇمىس ورنى اشىلادى. اتالعان جوبا ەنەرگەتيكا مينيسترلىگىنىڭ تىزىلىمىنە دە ەنگىزىلگەن. قازىرگى تاڭدا «Wind Power city» جشس تاراپىنان اۋدانعا 1142,2 ميلليون تەڭگە ينۆەستيتسيا سالىنىپ وتىر. سونىمەن قاتار 10 ادامدى قۇرايتىن مەردىگەر ۇيىم قۇرىلىس جۇمىستارىن باستاپ كەتتى.
ال تالاس توپىراعىندا جۇزەگە اسىپ جاتقان ەكىنشى جوبا جالپى قۇنى 1867,6 ميلليون تەڭگەنى قۇرايتىن, قۋاتى 4,5 مۆت بولاتىن جەل ەلەكتر ەنەرگياسىن ءوندىرۋ كاسىپورنى. بۇل ماقساتتا «Wind Electricity» جاۋاپكەرشىلىگى شەكتەۋلى سەرىكتەستىگىنە اۋدانداعى قىزىلاۋىت اۋىلدىق وكرۋگىنەن 22 گەكتار جەر ۋچاسكەسى ءبولىنىپ بەرىلدى. قازىرگى تاڭدا جوبانىڭ سمەتالىق قۇجاتتارى دايىندالعان. ال جوبا ىسكە اسقاندا 10 جۇمىس ورنى اشىلادى. بۇل جوبا دا ەلىمىزدىڭ ەنەرگەتيكا مينيسترلىگىنىڭ ءتىزىلىمىنە ەنگەن. بۇگىندە «Wind Electricity» جشس تاراپىنان اۋدانعا ينۆەستيتسيا تارتۋ ماقساتىندا 2,1 ميلليارد تەڭگەگە شەتەل كاسىپورنىمەن كەلىسىم جاسالدى. قىزىلاۋىت اۋىلىنداعى بۇل جوبالار تولىقتاي ىسكە اسقان كۇننەن باستاپ جەرگىلىكتى تۇرعىندار جۇمىسپەن قامتىلادى. سونىمەن قاتار تارتىلعان ينۆەستيتسيانىڭ بارلىعى ءوڭىر ەكونوميكاسىن كۇشەيتىپ, حالىقتىڭ الەۋەتىن ارتتىرادى.
«بۇل جوبالار اۋدانداعى بالامالى ەنەرگيا كوزدەرىنىڭ ۇلەسىن جوعارىلاتۋ بويىنشا اتقارىلۋدا. تالاس اۋدانىندا جەل قۋاتى جەتەرلىك. تابيعاتتىڭ وسى سىيىن ادامداردىڭ يگىلىگىنە جاراتۋ – بۇگىنگى ۇرپاقتىڭ مىندەتى», دەيدى اۋداندىق كاسىپكەرلىك, ونەركاسىپ جانە تۋريزم ءبولىمىنىڭ باسشىسى اۋدانبەك تاۋاساروۆ.
