«وكىنىشكە قاراي, بالامدى باعۋ ءۇشىن مەن جۇمىستان كەتەمىن. مەنىڭ بالام اۋتيزم دەرتىمەن تۋىلعان. ەندىگى ءمىندەتىم بالامدى باعىپ, كۇتۋ. وسى جىلداردا كوپ جۇمىس اتقارىلدى, ۇلكەن راحمەت!» دەيدى اسەل ءجۇنىسوۆا.
ءوز كەزەگىندە باۋىرجان بايبەك اسەل ءجۇنىسوۆا ءوزىنىڭ كەڭەسشىسى بولىپ قالا بەرەتىندىگىن مالىمدەپ وتىر.
«اسەل ابىلايقىزى 3,5 جىلداي اكىمنىڭ ورىنباسارى بولىپ جۇمىس ىستەدى. ون شاقتى جىل مەملەكەتتىك قىزمەتتەردە ءجۇردى. «قۇرمەت» وردەنىنىڭ يەگەرى. ءبىرنەشە تىلدە ەركىن سويلەيدى. مەن ونىڭ شەشىمىن قۇرمەتتەيمىن. ءبىر اۋىق دامىلداپ, ءوز وتباسىنا كوڭىل بولۋگە دەگەن قادامىن قۇپتايمىن. بىراق ول مەنىڭ كەڭەسشىم بولىپ قالا بەرەدى. كەرەك كەزىندە ءجۇنىسوۆانىڭ قىزمەتىنە جۇگىنەتىن بولامىز», دەيدى الماتى قالاسىنىڭ اكىمى.
اسەل ءجۇنىسوۆا مەگاپوليس باسشىسىنىڭ ورىنباسارلىعى قىزمەتىنە كەلگەنگە دەيىن Nur Otan پارتياسى ورتالىق اپپاراتىن باسقاردى. وعان دەيىن ءار جىلدارى قازاقستان پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعى مەڭگەرۋشىسىنىڭ ورىنباسارى جانە قازاقستان پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعىنىڭ مەڭگەرۋشىسى بولدى.
