ۋەفا كلۋبتار رەيتينگىندە ءمادريدتىڭ «رەال» كومانداسى 146.000 ۇپايمەن التى جىلدان بەرى كوشباستاپ كەلەدى. ەكىنشى ورىندى يسپانيانىڭ تاعى ءبىر كومانداسى – «بارسەلونا» (138,000) يەلەنسە, ۇزدىك ۇشتىكتى 128,000 ۇپايى بار گەرمانيانىڭ «باۆاريا» كلۋبى قورىتىندىلاپ تۇر.
ال قازاقستاندىق كوماندالار اراسىنداعى ەڭ ۇزدىك كورسەتكىش ەلوردانىڭ «استانا» كومانداسىنا تيەسىلى. بىلتىر ەۋروپا ليگاسىنىڭ توپتىق كەزەڭىندە سىنعا تۇسكەن «استانا» ۋەفا كلۋبتار رەيتينگىسىنىڭ 2018 جىلعى ناتيجەسىمەن سالىستىرعاندا 10 ساتى جوعارىلاپ, 57-ءشى ورىنعا تۇراقتادى. قورجىنىندا 27.500 ۇپاي بار. الماتىنىڭ «قايراتى» 2,000 ۇپايمەن 208-ءشى, قوستانايدىڭ «توبىلى» (1,500) 260-شى ورىندا تۇر.
