قازاقستان دەلەگاتسياسىن قر ءسىم كونسۋلدىق قىزمەت دەپارتامەنتىنىڭ ديرەكتورى تاۋبولدى ۇمبەتباەۆ, ال موڭعول تاراپىن - موڭعوليا سىرتقى قاتىناستار مينيسترلىگى كونسۋلدىق قىزمەت دەپارتامەنتىنىڭ ديرەكتورى لحانااجاۆىن مۋنحتۋشيگ باسقاردى. ءىس-شاراعا سونداي-اق ەكى ەلدىڭ باس پروكۋراتۋرا, ىشكى ىستەر, ادىلەت, ەڭبەك جانە الەۋمەتتىك قورعاۋ جانە ءبىلىم مينيسترلىكتەرىنىڭ وكىلدەرى قاتىستى.
كونسۋلتاتسيالار بارىسىندا تاراپتار ەكى ەلدىڭ زاڭدى جانە جەكە تۇلعالارىنىڭ قۇقىقتارى مەن مۇددەلەرىن قورعاۋ, قازاقستان مەن موڭعوليا اۋماقتارىنا ەكى ەل ازاماتتارىنىڭ كىرۋ/شىعۋ جانە بولۋ ءتارتىبى, ازاماتتاردى الەۋمەتتىك قورعاۋ, ەكى ەلدىڭ ادىلەت مينيسترلىكتەرى اراسىنداعى ىنتىماقتاستىق, ەسىرتكى قىلمىسىنا قارسى كۇرەس, سونداي-اق موڭعوليانىڭ بايان-ۇلگي ايماعىندا قازاقستاننىڭ كونسۋلدىق مەكەمەسىن اشۋ جانە باسقا ماسەلەلەردى تالقىلادى.
بۇعان قوسا, تاراپتار ەكى ەلدىڭ ۇكىمەتتەرى اراسىنداعى موڭعوليا اۋماعىندا تۇراقتى تۇراتىن قازاقستان ازاماتتارىنىڭ جانە قر اۋماعىندا تۇراقتى تۇراتىن موڭعوليا ازاماتتارىنىڭ ازاماتتىقتى جەڭىلدەتىلگەن تارتىپپەن الۋى جانە توقتاتۋى, ازاماتتىعى جوقتى جانە قوس ازاماتتىق جاعدايلارىنا جول بەرمەۋ تۋرالى كەلىسىمنىڭ, سونداي-اق, 1993 جىلعى 22 قازاندا جاسالعان قازاقستان مەن موڭعوليا اراسىنداعى ازاماتتىق جانە قىلمىستىق ىستەر بويىنشا ءوزارا قۇقىقتىق كومەك كورسەتۋ شارتقا وزگەرىستەر ەنگىزۋ تۋرالى حاتتامانىڭ جوبالارىن تالقىلادى.
كونسۋلدىق كونسۋلتاتسيالار سىندارلى جاعدايدا جانە ءوزارا تۇسىنۋشىلىك رۋحىندا ءوتتى.
