ماڭعىستاۋ وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى جاندوس ساليموۆتىڭ مالىمدەۋىنشە, قالا بويىنشا 100% سۋمەن, ال وبلىستاعى اۋىلدىق ەلدى-مەكەندەر 69% ورتالىقتاندىرىلعان اۋىز سۋمەن قامتاماسىز ەتىلگەن.
2018 جىلى ورتالىقتاندىرىلعان سۋمەن قامتاماسىز ەتۋ بويىنشا بەينەۋ اۋدانىنىڭ بورانقۇل جانە مۇنايلى اۋدانىنىڭ ماڭعىستاۋ-4 اۋىلدارىندا 2 جوبا ىسكە اسىرىلدى.
ال, 2019 جىلى بەينەۋ اۋدانىنىڭ سارعا, ەسەت, تولەپ اۋىلدارى مەن مۇنايلى اۋدانىنىڭ باسقۇدىق اۋىلىندا 4 جوبانى ىسكە اسىرۋ جوسپارلانۋدا.
ناتيجەسىندە, قامتاماسىز ەتۋ كورسەتكىشى – 75,8 % جەتكىزىلەتىن بولادى.
بۇدان باسقا, ورتالىقتاندىرىلعان سۋمەن بۇرىننان قامتاماسىز ەتىلگەن اۋىلدىق ەلدى مەكەندەردى, اتاپ ايتقاندا جاڭادان قۇرىلىسى سالىنىپ جاتقان جەر تەلىمدەرىن قامتۋ ماقساتىندا جالپى 12 جوبا ىسكە اسىرىلىپ جاتىر, دەدى باسقارما باسشىسى.
قالالارداعى ورتالىقتاندىرىلعان سۋ بۇرۋمەن قامتاماسىز ەتۋ كورسەتكىشى – 93,1% قۇرايدى.
«وڭىرلەردى 2020 جىلعا دەيىن دامىتۋ» باعدارلاماسىنىڭ اياسىندا شەتپە اۋىلىنداعى 2 جوبا ىسكە اسىرىلۋدا. ناتيجەسىندە, اەم-گى ورتالىقتاندىرىلعان سۋ بۇرۋمەن قامتاماسىز ەتۋ 2019 جىلى 7,1 % جەتكىزىلەتىن بولادى.
سونىمەن قاتار, 2019 جىلى «اقتاۋ قالاسىنداعى كوس-1 باستاپ كوس-2 دەيىنگى وزدىگىنەن اعاتىن كارىز كوللەكتورىنىڭ قۇرىلىسى» جوباسىن ىسكە ىسكە اسۋدا. بۇل جوبانى ىسكە اسىرۋ تازارتىلماعان اعىندى سۋلاردى كوس-2 الاڭىنا ايداۋعا مۇمكىندىك بەرمەك.
