اتالعان شارانىڭ ماقساتى – كادرلىق قامتاماسىز ەتۋ سالاسىنداعى نورماتيۆتىك-قۇقىقتىق قۇجاتتاردى ءتۇسىندىرۋ جانە شەشۋ جولدارىن ۇسىنا وتىرىپ, ءتۇيىندى ماسەلەلەردى تالقىلاۋ.
ساۋالناما شەڭبەرىندە اكىمدىكتىڭ مەملەكەتتىك قىزمەتشىلەرى مەملەكەتتىك قىزمەتتەگى جانە ءوزىنىڭ مەملەكەتتىك ورگانىنداعى جاعداي تۋرالى مالىمدەدى. ولار وڭ وزگەرىستەرگە مەريتوكراتيا قاعيداتىنىڭ ءساتتى ىسكە اسىرىلۋىن, مانساپتىق ىلگەرىلەۋدىڭ مۇمكىندىگىن, مەملەكەتتىك قىزمەتكە ءتۇسۋدى وڭتايلاندىرىلۋىن, كونكۋرستاعى تاۋەلسىز بايقاۋشىلاردىڭ قاتىسۋىمەن سۇحبات راسىمدەرىنىڭ اشىقتىعىن ساقتاۋ جانە ارتىق جۇمىستىڭ ازايۋىن جاتقىزادى. ماڭعىستاۋ وبلىسىندا 2018 جىلدىڭ 1 قاڭتارىنان باستاپ اكىمشىلىك مەملەكەتتىك قىزمەتشىلەرگە فاكتورلىق-باللدىق شاكىل بويىنشا ەڭبەكاقى تولەۋدىڭ پيلوتتىق جۇيەسى ەنگىزىلگەندىگىن اتاپ ءوتۋ كەرەك. وڭىرلىك دەڭگەيدەگى مەملەكەتتىك قىزمەت جۇيەسىندەگى فبش وڭ جاقتارى: ماڭعىستاۋدا مەملەكەتتىك قىزمەتتىڭ باسەكەلەستىك قابىلەتى ارتتى (مىسالى, جەكە سەكتوردان مەملەكەتتىك قىزمەتكە ورنالاسقاندار سانى 7 ەسەگە ارتقان (2017 ج - 10, 2018 ج -72 ادام), جاڭا جالاقى جۇيەسى ەنگەن سوڭ, ماڭعىستاۋ اكىمدىكتەرىندە بوس ورىندار ەداۋىر ازايدى(2017 جىلدىڭ قورىتىندىسىمەن – شتات سانىنىڭ 11,8%-ى, 2018 جىل قورىتىندىسىمەن - 4,4%-ى), تازا اۋىسىمدىلىق كورسەتكىشى تومەندەدى, بىلىكتىلىگى جوعارى ماماندار قاتارى كوبەيدى(«بولاشاق» باعدارلاماسىنىڭ تۇلەكتەرى 2017 جىلى – 1 ادام, 2018 جىلى – 5, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇلەكتەرى 2017 جىلى – 2, 2018 جىلى - 6 مامان).
دەگەنمەن, جاعىمدى ساتتەرمەن قاتار, پەرسونالدى باسقارۋ قىزمەتىنىڭ ۇيىمداستىرىلۋىندا كەمشىلىكتەر دە بار ەكەندىگى تۋرالى دەپارتامەنت باسشىسىنىڭ ورىنباسارى ق.بايگەباەۆتىڭ بايانداماسىندا ايتىلدى. جىل باسىنان بەرى بوس لاۋازىمدارعا جاريالانعان كونكۋرستىق راسىمدەردى بۇزعانى ءۇشىن 10-نان اسا لاۋازىمدىق تۇلعا اكىمشىلىك جاۋاپكەرشىلىككە تارتىلعان, كەيبىر مەملەكەتتىك ورگانداردا كادرلىق ەسەپتى قالىپتاستىرۋعا ءتيىستى دەڭگەيدە كوڭىل بولىنبەيدى, بۇل ءوز كەزەگىندە رەسپۋبليكالىق ستاتيستيكالىق مالىمەتتەردىڭ بۇرمالانۋىنا سوقتىرۋى مۇمكىن.
باياندامادا كادر قۇرامىنىڭ تۇراقتىلىعى, تارتىپتىك كوميسسيالاردىڭ جۇمىسىن جەتىلدىرۋ, قىزمەتكەرلەردىڭ ەڭبەك ءتارتىبىن جانە ادەپ كودەكسىنىڭ تالاپتارىن ساقتاۋ بويىنشا, سىناق مەرزىمىن بەلگىلەۋ, تالىمگەر تاعايىنداۋ, مەملەكەتتىك قىزمەتشىلەردى وقىتۋ, مەريتوكراتيا قاعيداتى, كونكۋرستىق پروتسەدۋرالاردىڭ اشىقتىعى ماسەلەلەرىنە كوڭىل ءبولىندى.
سونىمەن بىرگە دەپارتامەنت باسشىسىنىڭ ورىنباسارى قاتىسۋشىلارعا سىبايلاس جەمقورلىققا قارسى ءىس-قيمىل تۋرالى, قازاقستان رەسپۋبليكاسىنداعى مەملەكەتتىك قىزمەتتىڭ جاعدايى تۋرالى ۇلتتىق باياندامانى تانىستىرىپ ءوتتى.
شارا بارىسىندا بايانداماشى «Digital agent» موبيلدىك قوسىمشاسىمەن تانىستىرىپ, كورسەتىلەتىن قىزمەتتەر ناتيجەسىن باعالاۋعا, قوڭىراۋ شالۋ ارقىلى اۋماقتىق دەپارتامەنتكە ءوز وتىنىشتەرى مەن وڭ پىكىرلەرىن قالدىرۋعا مۇمكىندىك بەرىلگەندىگىن ەسكەرتتى.
«ە-قىزمەت» ىقپالداستىرىلعان اقپاراتتىق جۇيەسىندە اۆتوماتتىق رەجيمدە جۇمىس جۇرگىزۋ تۋرالى مەملەكەتتىك قىزمەت باسقارماسىنىڭ باس مامانى ا.ن.حوجانازاروۆا بايانداپ, «ە-قىزمەت» ىقپالداستىرىلعان اقپاراتتىق جۇيەسىنىڭ جۇرگىزىلۋىنىڭ مانىنە توقتالدى.
سەمينارعا قاتىسۋشىلار تاراپىنان سۇراقتار قويىلىپ, تولىققاندى جاۋاپتار بەرىلدى.
باياندامالاردا كورسەتىلگەن قاتەلىكتەرگە الداعى ۋاقىتتا جول بەرمەۋ ماقساتىندا سەمينار-كەڭەسكە قاتىسۋشىلاردىڭ نازارىنا كادرلىق قامتاماسىز ەتۋ سالاسىنداعى نورماتيۆتىك قۇقىقتىق قۇجاتتاردىڭ تالاپتارى تۋرالى جەتكىزىلدى.
ماڭعىستاۋ وبلىسى
