ساياسي قۋعىن-سۇرگىن قۇرباندارىن ەسكە الۋعا وبلىس اكىمدىگىنىڭ وكىلدەرى جانە قالالىق اكىمدىك باسشىلارى, ءماسليحات دەپۋتاتتارى, قۇقىق قورعاۋ ورگاندارىنىڭ, مەملەكەتتىك مەكەمەلەردىڭ, قوعام قايراتكەرلەرى, ءدىن وكىلدەرى, ارداگەرلەر, ەتنو-مادەني بىرلەستىكتەردىڭ, ۇكىمەتتىك ەمەس جانە قوعامدىق ۇيىمداردىڭ وكىلدەرى, قۋعىن سۇرگىن جانە اشارشىلىق جىلدارى قازا بولعانداردىڭ تۋىستارى مەن جاقىندارى كەلگەن.
«بۇل قاسىرەتتەردىڭ ورنى
ەشقاشان دا تولمايدى. جانە مۇنى ارقاشان جادىمىزدا ساقتايمىز.
ءبىزدىڭ ەندىگى جەردەگى بورىشىمىز – ەلدىڭ بىرلىگىن نىعايتۋ. سول ءبىر زۇلمات
جىلداردىڭ وقيعاسىن, ونىڭ جازىقسىز قۇربانى بولعان ارىستارىمىزدىڭ ەسىمدەرىن
ۇمىتپاۋ, ولاردى ماڭگى ەستە ساقتاۋ. سول ءبىر قاتىگەز داۋىردە دە قازاق
قوناقجايلىعىنان جاڭىلمادى. اۋىرتپالىققا شىداپ, ۇيىسا ءبىلدى. وسىنداي
زوبالاڭ كورىپ, زۇلماتقا ۇشىراعان ارىستارىمىزدى ەسكە الا وتىرىپ, ولاردىڭ
ەرلىكتەرىنە باس يەمىز. ولار ءوز ميسسياسىنا ادال بولدى. ەندى مۇنداي جاعداي
قايتالانباس ءۇشىن ءبىز قولدان كەلگەنشە بارلىق مۇمكىندىكتەرىمىزدى دۇرىس
پايدالانۋمىز كەرەك. حالقىمىزدا «بەرەكە باسى – بىرلىكتە» دەگەن ناقىل ءسوز بار.
ءبىزدىڭ ەلدىڭ قارقىندى دامۋىنىڭ ءبىر سىرى دا وسى بولار. ويتكەنى بىزدەر
بەيبىت, مامىراجاي ءومىردىڭ قۇنىن باعالاي بىلەتىن حالىقپىز. ەلباسى ايتقانداي, رۋحاني جاڭعىرۋدىڭ باستى
شارتى – ۇلتتىق كودتى ساقتاي ءبىلۋ. ەگەر ءبىزدىڭ ۇلتتىق بىرەگەيلىگىمىز ساقتالىپ,
زامان اعىمىنا ساي جاڭارىپ, بىرلىگىمىز بەكەم بولسا – بىزدەن مىقتى ەل بولمايدى. سىزدەرمەن تەك
قارالى كۇندەردى ەسكە الۋدا ەمەس, اماندىقتا, ابىرويلى ىستەردە جولىعايىق», دەدى
وڭداسىن ورازالين.
جيىن قاتىسۋشىلارى ساياسي قۋعىن-سۇرگىن قۇرباندارىن ۇنسىزدىك مينۋتىمەن ەسكە الدى.اقتوبە وبلىسى بويىنشا قازاقستان مۇسىلماندارى ءدىني باسقارماسىنىڭ جانە اقتوبە وبلىستىق «نۇر-عاسىر» مەشىتىنىڭ باس يمامى وسپان تولەبي ساياسي قۇعىن سۇرگىن قۇرباندارىنىڭ رۋحىنا قۇران باعىشتاپ,دۇعا وقىدى.شاراعا قاتىسۋشىلارعا جەتى نان تاراتىلدى.
سونىمەن قاتار, وبلىس اكىمى وبلىستىق فيلارمونيا جانىنداعى ساياسي قۋعىن سۇرگىنگە ۇشىراعاندار مەن اشارشىلىق قۇرباندارىنىڭ ەسكەرتكىشىنە گۇل شوقتارىن قويىپ, ەسكە الدى. تاريحي دەرەكتەر بويىنشا, 1932-1933 جىلعى اشتىق پەن اۋرۋدان قازاقستاندا 3 ميلليونعا جۋىق ادام (جالپى حالىقتىڭ 42%-ى) كوز جۇمعان. ال, اشارشىلىقتان كەيىنگى 1937-1938 جىلدارداعى ستاليندىك رەپرەسسيالاۋ حالقىمىز ءۇشىن وتە اۋىر سوققى بولدى. وسى جىلدارى قازاقستاندا 100 مىڭداي ادام سوتتالىپ, ونىڭ 25 مىڭى اتىلدى. تەك اقتوبەنىڭ وزىنەن 7 مىڭ ادام ايدالىپ, 1800 ادام اتۋ جازاسىنا كەسىلگەن.
