ۋچاسكەلىك سايلاۋ كوميسسيالارىنىڭ مۇشەلەرىن وقىتۋ وسك دايىنداعان «قازاقستان رەسپۋبليكاسى پرەزيدەنتىنىڭ سايلاۋىن ازىرلەۋ كەزىندەگى سايلاۋ پروتسەسىنىڭ قۇقىقتىق نەگىزدەرى مەن سايلاۋ كوميسسيالارىنىڭ جۇمىسىن ۇيىمداستىرۋ» اتتى وقۋ باعدارلاماسى جانە وقۋ-ادىستەمەلىك كەشەنى بويىنشا ءجۇزەگە اسىرىلدى. ەلەكتوراتتىق وقىتۋ التى باعىت بويىنشا, ياعني پرەزيدەنت جانىنداعى مەملەكەتتىك باسقارۋ اكادەمياسىنىڭ وڭىرلىك فيليالدارى بازاسىندا سايلاۋ كوميسسيالارىنىڭ مۇشەلەرىن وقىتۋ, جەرگىلىكتى جەرلەردە تومەن تۇرعان سايلاۋ كوميسسيالارىنىڭ مۇشەلەرىن كاسكادتىق ادىسپەن وقىتۋ, قاشىقتىقتان وقىتۋ مەن تەستىلەۋ, وسك مۇشەلەرى مەن اپپارات قىزمەتكەرلەرى وڭىرلەردە وتكىزگەن كوشپەلى وقىتۋ سەمينارلارى, وعان قوسا بەينەكونفەرەنتسبايلانىس ارقىلى وڭىرلەرمەن ۇيىمداستىرىلعان سەمينارلار جانە سايلاۋ پروتسەسىنىڭ باسقا دا قاتىسۋشىلارىنا ارنالعان وقىتۋ ءىس-شارالارى ارقىلى وتكىزىلدى. ءسويتىپ رەسپۋبليكا بويىنشا سايلاۋ كوميسسيالارىنىڭ مۇشەلەرى مەن سايلاۋ پروتسەسىنىڭ باسقا دا قاتىسۋشىلارىن ەلەكتوراتتىق وقىتۋ 118 112 ادامدى قامتىدى. بۇعان قوسا, وتىرىستا بەينەكونفەرەنتسيا ارقىلى اقتوبە, جامبىل وبلىستارىنىڭ جانە الماتى قالاسى اۋماقتىق سايلاۋ كوميسسيالارىنىڭ باسشىلارى وڭىرلەردە وقىتۋدى ۇيىمداستىرۋ مەن وتكىزۋ تاجىريبەلەرىمەن ءبولىستى.
ال «2019 جىلعى 9 ماۋسىمعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىندا جەكەلەگەن سايلاۋ ۋچاسكەلەرىندە داۋىس بەرۋدىڭ وزگە كەستەسىن ايقىنداۋ تۋرالى» ماسەلەدە بەينەكونفەرەنتسيا ارقىلى اۋماقتىق سايلاۋ كوميسسيالارى كەيبىر سايلاۋ ۋچاسكەلەرىندە داۋىس بەرۋ ۋاقىتىن تاڭعى ساعات 6.00-دەن باستاپ بەلگىلەۋ تۋرالى زاڭناماعا سايكەس قابىلدانعان شەشىمدەر تۋرالى باياندادى. ماسەلەن, اسكەري بولiمدەردە, دەمالىس ءۇيلەرiندە, ساناتوريلەردە, تۇراقتى ەمدەۋ-پروفيلاكتيكالىق مەكەمەلەردە, تەرگەۋ يزولياتورلارى مەن ۋاقىتشا ۇستاۋ يزولياتورلارىندا قۇرىلعان سايلاۋ ۋچاسكەلەرىندە ەگەر تiزiمگە ەنگiزiلگەن سايلاۋشىلاردىڭ ءبارi داۋىس بەرسە, ۋچاسكەلiك سايلاۋ كوميسسياسى داۋىس بەرۋدi كەز كەلگەن ۋاقىتتا اياقتالدى دەپ جاريالاي الادى.
ودان ءارى زاۋرەش حاميتقىزى «2019 جىلعى 9 ماۋسىمعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا حالىقارالىق ۇيىمدار مەن شەت مەملەكەتتەردىڭ بايقاۋشىلارىن اككرەديتتەۋ تۋرالى» ايتا كەلىپ, بۇگىندە سىرتقى ىستەر مينيسترلىگىنەن بىرقاتار ميسسيالاردىڭ بايقاۋشىلارىن اككرەديتتەۋگە ۇسىنىستار تۇسكەنىن دە اتاپ ءوتتى. ماسەلەن, 23 ءجانە 30 مامىردا سىرتقى ىستەر مينيسترلىگىنەن تۇسكەن ۇسىنىستاردا 323 بايقاۋشى – ءتاۋەلسىز مەملەكەتتەر دوستاستىعى بايقاۋشىلار ميسسياسىنىڭ قۇرامىنان, 15 بايقاۋشى – تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ پارلامەنتارالىق اسسامبلەياسىنان, 263 بايقاۋشى – ەۋروپاداعى قاۋىپسىزدىك جانە ىنتىماقتاستىق ۇيىمىنىڭ دەموكراتيالىق ينستيتۋتتار مەن ادام قۇقىقتارى بيۋروسى ميسسياسى قۇرامىنان, 18 بايقاۋشى – ۇجىمدىق قاۋىپسىزدىك تۋرالى شارت ۇيىمىنىڭ پارلامەنتتىك اسسامبلەياسىنان, 9 بايقاۋشى – ءتۇركى تىلدەس مەملەكەتتەر ىنتىماقتاستىعى كەڭەسىنەن جانە 1 بايقاۋشى شانحاي ىنتىماقتاستىق ۇيىمى بايقاۋشىلار ميسسياسىنىڭ قۇرامىنان بولعان.
سونىمەن قاتار 31 شەت مەملەكەتتەن 91 بايقاۋشى ۇسىنىلىپ وتىر, ولاردىڭ قاتارىندا ءۇندىستان, يندونەزيا, قىرعىزستان, رۋمىنيا, تاجىكستان, ءتۇرىكمەنستان جانە وزبەكستاننىڭ ورتالىق سايلاۋ ورگاندارىنىڭ وكىلدەرى بار, دەدى ز.بايمولدينا. وسىلايشا بۇگىندە اككرەديتتەۋگە بارلىعى 720 بايقاۋشى ەنگىزىلگەن. شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋدى ورتسايلاۋكوم 2019 جىلعى 3 ماۋسىم كۇنگى ساعات 18.00-گە دەيىن جۇزەگە اسىرادى. جالپى حالىقارالىق ۇيىمدار مەن شەت مەملەكەتتەردەن تىركەلگەن بايقاۋشىلار سانى 31 مامىرعا 967 ادامدى قۇراعان كورىنەدى. اتالعان وتىرىسقا ساياسي پارتيالار مەن ەقىۇ/دياقب جانە تمد ميسسيالارىنىڭ وكىلدەرى قاتىسىپ وتىردى.
