ۆالەري بۋگاەۆ
نۇر-سۇلتان قالاسىنان كوشىپ كەلگەن 112 ادامنىڭ 84-ءى بالالار.
ەندى مىنە, تاعى دا 19 وتباسى قونىس اۋداردى. پاتەرلەر قونىس اۋدارۋشىلارعا بەس جىلعا جالعا بەرىلەدى. سودان كەيىن ولار بۇل پاتەرلەردى ساتىپ الۋعا قۇقىلى بولماق.
كەشە وڭىرگە جۇمىس ساپارىمەن كەلگەن ەڭبەك جانە الەۋمەتتىك قورعاۋ ءمينيسترى بەردىبەك ساپارباەۆ پەن وبلىس اكىمى بولات باقاۋوۆ قونىستانۋشىلاردى قۇتتىقتاپ, ولارعا جاقسى دا, جايلى دا ءومىر سۇرۋگە تىلەكتەستىك ءبىلدىردى.
3 بولمەلى پاتەر العان كوپ بالالى وتباسىنىڭ يەسى روللان شەنەۋوۆ نۇر-سۇلتاندا كوپ جىلدار پاتەر جالداپ تۇرىپتى. ماماندىعى سلەسار جىگىتكە ء وندىرىستى ءوڭىر ەكىباستۇزدان جۇمىس جەتەدى.
– نۇر-سۇلتان قالاسىنىڭ اكىمدىگىمەن بىرگە باسپانا الۋ ءۇشىن كەزەكتە تۇرعان كوپبالالى وتباسىلارمەن كەزدەسۋ وتكىزدىك, – دەيدى باسقارما ماماندارى.
جالپى, تىڭ باستاما رەتىندە باستالعان بۇل پيلوتتىق جوبا اياسىندا رەسپۋبليكالىق بيۋدجەتتەن بولىنگەن قاراجات ەسەبىنەن ەكىباستۇز قالاسىندا باسپانا بەرىلەدى.
ۇكىمەت دەڭگەيىندە نۇر-سۇلتان قالاسىنان جاعدايى قيىن وتباسىلارعا كومەك كورسەتۋ ماقساتىندا وڭىرلىك جوبا قابىلداندى. ءوڭىردىڭ دەموگرافيالىق جاعدايى دا ەسكەرىلدى.
