اتىراۋ وبلىسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ايدار نۇراليەۆتىڭ ايتۋىنشا, ءمجا ىسكە اسىرۋدا پروبلەمالار بار. 2017 جىلدان بەرى باسقارما 60 جوبانى تالداعان, جۇزەگە اسپاي قالعان جوبالار دا بار.
مۇنايلى ايماقتاعى 8 جوبانىڭ جەتەۋى ءبىرىنشى ساناتقا, بىرەۋى ەكىنشى ساناتقا جاتادى.
اتىراۋ وبلىسىنىڭ اكىمى نۇرلان نوعاەۆتىڭ توراعالىعىمەن وتكەن مەملەكەتتىك – جەكەمەنشىك ارىپتەستىكتى دامىتۋ ماسەلەسى بويىنشا كەڭەستە ايدار نۇراليەۆ جەرگىلىكتى ينۆەستورلاردى, اۋىل كاسىپكەرلەرىن كەڭىرەك تارتۋ قاجەت ەكەنىن ايتىپ, مىسال رەتىندە وسىنداي جۇمىس ءجۇرىپ جاتقان قىزىلوردا وبلىسىن كەلتىردى. تاياۋ ارادا باسقارما مەملەكەتتىك قىزمەتشىلەردى ءمجا تەتىگىنە ۇيرەتەدى.
- جوبالاردىڭ الەۋمەتتىك تيىمدىلىگى ايقىن. ماسەلەن, فوتو-بەينە تىركەۋ جوباسىن ىسكە اسىرۋ جولدا دا, قوعامدىق جەرلەردە دە ازاماتتاردىڭ قاۋىپسىزدىگىن كۇشەيتەدى,-دەپ اتاپ ءوتتى ايماق باسشىسى.- قازىر وسى جوبا بويىنشا بىزدە 759 كامەرا ىسكە قوسىلعان. تاعى 774 دانا كامەرا ورناتۋ جوسپارلانىپ وتىر, سونداي-اق, 51 جول قيىلىسى مەن 153 جول ۋچاسكەسى جول قوزعالىسى ەرەجەلەرىنىڭ بۇزىلۋىن فوتو-بەينە تىركەۋ كامەرالارىمەن قامتاماسىز ەتىلەدى.
كوشەلەردى جارىقتاندىرۋ جوباسى دا ماڭىزدى. بۇگىندە وبلىس ورتالىعىنىڭ جۇزدەگەن كوشەلەرى جارىقتاندىرىلعان. ەنەرگيا ۇنەمدەۋ تەحنولوگيالارى قولدانىلعاندىقتان, ولاردى پايدالانۋدا قازىنا قاراجاتى ۇنەمدەلەدى.
- وسى جۇمىستى جالعاستىرۋ, سونىڭ ىشىندە, ءۇشىنشى سانات بويىنشا ىسكە اساتىن جوبالاردى كوبەيتۋ قاجەت. ياعني, كاسىپكەرلەر وزدەرى سالعان نىساندار سانىن ۇلعايتىپ, ولاردى مەملەكەتتىك تاپسىرىسپەن قامتاماسىز ەتۋ كەرەك,-دەدى نۇرلان نوعاەۆ.
وڭىرلىك كوممۋنيكاتسيالار قىزمەتىنىڭ حابارلاۋىنشا, دەنساۋلىق ساقتاۋ باسقارماسى دا ء مجا ارقىلى ءۇش جوبا جۇزەگە اسىرعان, ولار- ەكى مەديتسينالىق مەكەمەنى سەنىمدى باسقارۋعا بەرۋ جانە وكپە تۋبەركۋلەزىن ەرتە دياگنوستيكالاۋ بويىنشا ءىس-شارالار كەشەنى. تاعى ءۇش جوبا ىسكە اسىرىلۋ كەزەڭىندە. ال, 2023 جىلعا دەيىن 13,1 ملرد تەڭگەگە ونشاقتى جوبانى ىسكە اسىرۋ ۇسىنىلىپ وتىر, ولاردىڭ قاتارىندا دارىگەرلىك امبۋلاتوريالار, اۋرۋحانالار, جاس ماماندارعا ارنالعان جاتاقحانا, مەديتسينا كوللەدجى سپورت كەشەنىنىڭ قۇرىلىسى بار.
