وسىمەن التىنشى مارتە وتكىزىلىپ وتىرعان اكتسيانىڭ ەرەكشەلىگى سول, 2013 جىلى الماتى قالاسىنىڭ ماڭىندا اۋە اپاتىنان قازا تاپقان كەدەن قىزمەتىنىڭ پولكوۆنيگى, سپورتشى, ابزال ازامات, جەرلەسىمىز, قايسار مالعاجداروۆتى ەسكە الۋعا ارنالىپ, مارقۇمنىڭ اتىنداعى قايىرىمدىلىق قورى ۇيىتقى بولدى.
ءداستۇرلى شارا وليمپيادالىق رەزەرۆتىڭ مامانداندىرىلعان مەكتەپ-ينتەرنات-كوللەدجىندە ءوتۋىنىڭ وزىندىك ءمانى بار. كەشەن قۇرامىنا ەنەتىن سپورتقا مامانداندىرىلعان سپورت مەكتەپ-ينتەرناتى قابىرعاسىنان مارگاريتا مۋكاشەۆا, اقان بايماعانبەتوۆ, الەكسەي لۋتسەنكو سەكىلدى ەسىمدەرى الەمگە بەلگىلى سپورت ساڭلاقتارى تۇلەپ ۇشقان.
«ۇلكەن سپورتتى سەرىك ەتكەن سايىپقىران جاستاردىڭ قادامدارىنا قولداۋ جاساپ, جاساپ, ءىرى دودالارعا قاتىسۋىن قامتاماسىز ەتۋدى باستى باعدار ەتىپ وتىرمىز. ولار ءتۇرلى دارىستەر الىپ, سپورت وشاقتارىنا, «قۇلاگەر» يپپودرومىنا ساياحات جاسايدى», دەيدى دەنەشىنىقتىرۋ جانە سپورت باسقارماسىنىڭ باسشىسى رۋسلان ەسەنالين.
ءوڭىردىڭ تانىمال جاتتىقتىرۋشىلارى مەن سپورتشىلارى العاشقى كۇنى 45 جاس بالعىنمەن كەزدەسىپ, ءوز تاجىريبەلەرىمەن ءبولىستى. ترەنينگ-ساباقتار بارىسىندا قيىندىقتاردى ەڭسەرۋ جولدارىن ورتاعا سالدى. سپورت-ينتەرناتتىڭ تۇلەگى نۇرقوجا قايپانوۆ ۇلگى ەتىلدى. ەركىن كۇرەس شەبەرى وسىدان ءبىر اي بۇرىن 70 كيلو سالماقتا ازيا چەمپيونى اتانعان بولاتى. ال جۋىردا يتاليانىڭ ساسساري قالاسىندا وتكەن حالىقارالىق تۋرنيردە تاعى دا توپ جاردى.
بيىلدان باستاپ سپورت مەكتەبىن بىتىرگەن ۇزدىك تۇلەكتەر كوللەدجگە قابىلدانىپ, ديپلوم الىپ شىعادى. وقۋ مەرزىمى– ءۇش جىل.
