جيىندا مەديتسينالىق ساقتاندىرۋ قورىنىڭ باسقارما توراعاسى ايباتىر جۇماعۇلوۆ قور قىزمەتىن تولىق تسيفرلاندىرۋ باعىتىندا اتقارىلىپ جاتقان جۇمىستارعا توقتالىپ ءوتتى.
«مسق قىزمەتىنىڭ اشىقتىعى مەن جوعارى دەڭگەيلى قاۋىپسىزدىكتى قامتاماسىز ەتۋ ءۇشىن, سونداي-اق, ادامي فاكتوردى ازايتىپ, پروتسەدۋرالارعا كەتەتىن ۋاقىتتى قىسقارتۋ ماقساتىندا «ەلەكتروندى قارجى ورتالىعى» اق-مەن بىرلەسىپ جۇمىس ىستەپ جاتىرمىز. ناقتىراق ايتساق, بيىلعى جىلدىڭ وزىندە مەملەكەتتىك تاپسىرىستى ورىندايتىن جەتكىزۋشى كومپانيالاردى ىرىكتەۋ پروتسەدۋراسىن ەلەكتروندى فورماتقا كوشىرۋ كوزدەلىپ وتىر. ول ءۇشىن مەديتسينالىق قىزمەتتەردى ساتىپ الۋعا قاتىسقىسى كەلەتىن ۇيىمدار قوردىڭ جەتكىزۋشىلەر بازاسىنا ەنۋ ءۇشىن egov.kz پورتالى ارقىلى ءوتىنىش بەرەدى. سودان سوڭ وزىندەگى ەڭبەك رەسۋرسىنىڭ مۇمكىندىكتەرى جايلى مالىمەتتى دەنساۋلىق ساقتاۋ مينيسترلىگىنىڭ اقپاراتتىق جۇيەلەرىنە ەنگىزەدى. ناتيجەسىنە, ىرىكتەۋ پروتسەسى تۇگەلگە دەرلىك Goszakup.gov.kz پورتالى ارقىلى جۇرگىزىلەدى. ال, مسق مەديتسينالىق كومەك كولەمىن ەمحانالار مەن كلينيكالار اراسىندا بولىسكە سالۋ جۇمىستارىنىڭ ناتيجەسى بويىنشا مەديتسينا ۇيىمدارىمەن كەلىسىمشارت بەكىتەتىن بولادى», - دەپ اتاپ ءوتتى مسق باسشىسى.
ايباتىر جۇماعۇلوۆتىڭ ايتۋىنشا, مەديتسينا ۇيىمدارى مەن قوردىڭ اقپاراتتىق جۇيەلەرىن 1س پلاتفورماسى نەگىزىندە ىقپالداستىرۋ كوزدەلگەن. سول ارقىلى كەلىسىمشارت بەكىتۋ, مەديتسينا ۇيىمدارىمەن كەلىسىمشارتتارعا قوسىمشا كەلىسىمدەر ەنگىزۋ, كورسەتىلگەن قىزمەتتەر اكتىسىنە قول قويۋ جانە تولەم شوتىن جىبەرۋ پروتسەدۋرالارىن تولىعىمەن اۆتوماتتاندىرۋعا مۇمكىندىك تۋماق.
قور قىزمەتىن اۆتوماتتاندىرۋ جۇمىستارى ەكى باعىتتا: تۇسكەن جارنالار مەن ساقتاندىرىلعان ازاماتتاردىڭ ەسەبىن جۇرگىزۋ; مەديتسينالدىق قىزمەت كورسەتەتىن جەتكىزۋشىلەردى ىرىكتەۋ, ولارمەن كەلىسىمشارت بەكىتۋ جانە كورسەتىلگەن قىزمەت اقىسىن تولەۋ باعىتىندا ءجۇرىپ جاتىر. جارنالار مەن ساقتاندىرىلعانداردىڭ ەسەبى مسق, ەڭبەك جانە حالىقتى الەۋمەتتىك قورعاۋ مينيسترلىگىمەن جانە مەملەكەتتىك كورپوراتسياسىنىڭ بىرلەسىپ جاساعان «ساقتاندىرۋ» اقپاراتتىق جۇيەسى ارقىلى جۇرگىزىلەدى.
«مۇنىڭ ءبارى مسق ءۇشىن دە, مەديتسينا ۇيىمدارى ءۇشىن دە ساتىپ الۋ پروتسەدۋرالارىن جەڭىلدەتىپ, قۇجات راسىمدەۋگە كەتەتىن ۋاقىتتى ەداۋىر قىسقارتۋعا مۇمكىندىك بەرەدى. سونىمەن قاتار, مەديتسينا ۇيىمدارى قۇجاتتارعا قول قويدىرۋشىن قوردىڭ فيليالدارىنا اياقتاي بارۋعا دەگەن قاجەتتىلىكتەن ارىلادى, قاعاز-قۇجات اينالىمىنا جۇمسالاتىن شىعىندار قىسقارىپ, قىزمەتكەرلەردىڭ ۋاقىتىن ءتيىمدى پايدالانۋعا سەپتىگىن تيگىزبەك», - دەدى ايباتىر جۇماعۇلوۆ.
ەستەرىڭىزگە سالا كەتسەك, مسق 2018 جىلدان باستاپ تمككك جانە مىندەتتى الەۋمەتتىك مەديتسينالىق ساقتاندىرۋ ء(مامس) پاكەتتەرىنىڭ قارجىلىق وپەراتورى بولىپ تابىلادى جانە حالىققا كورسەتىلەتىن مەديتسينالىق قىزمەتتەردى قر ۇكىمەتى بەكىتكەن ءتارتىپ بويىنشا ساتىپ الادى.
