سايلاۋ • 30 مامىر، 2019

سايلاۋدى ۇيىمداستىرۋشىلارمەن سەمينار ءوتتى

694 رەت كورسەتىلدى

بۇگىن نۇر-سۇلتان قالاسىندا «2019 جىلدىڭ 9 ماۋسىمىنا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ازىرلەۋ مەن وتكىزۋ كەزەڭىندەگى سايلاۋ كوميسسيالارىنىڭ جۇمىسى تۋرالى» سايلاۋدى ۇيىمداستىرۋشىلارمەن وقىتۋ سەمينار ءوتتى.

وتىرىستى اشقان قالالىق سايلاۋ كوميسسياسىنىڭ توراعاسى ۆلاديمير رەدكوكاشين اتالعان وقىتۋ سەمينارىنا اۋماقتىق جانە ۋچاسكەلىك سايلاۋ كوميسسيالارىنىڭ توراعالارى، مەملەكەتتىك ورگاندار وكىلدەرى شاقىرىلعانىن جانە سونداي-اق، ورتالىق سايلاۋ كوميسسياسىنىڭ حاتشىسى ءسابيلا مۇستافينا مەن نۇر-سۇلتان قالاسى اكىمىنىڭ ورىنباسارى ەرلان كاناليموۆ قاتىسىپ وتىرعانىن اتاپ ءوتتى. بۇدان كەيىن ءسوز العان ورتالىق سايلاۋ كوميسسياسىنىڭ حاتشىسى ءسابيلا مۇستافينا جينالعانداردى قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى جونىندەگى نەگىزگى ءىس-شارالاردىڭ كۇنتىزبەلىك جوسپارى سايلاۋ تۋرالى قولدانىستاعى زاڭناماعا سايكەس ازىرلەنگەنىن جەتكىزدى. سوعان بايلانىستى قازىرگى كۇنگە دەيىن كوپتەگەن جۇمىس اتقارىلدى. قازاقستان رەسپۋبليكاسى پرەزيدەنتىنىڭ لاۋازىمىنا كانديداتتاردى ۇسىنۋ، ولاردى تىركەۋ، سايلاۋشىلار تىزىمدەرىمەن جۇمىستى ۇيىمداستىرۋ، مۇمكىندىكتەرى شەكتەۋلى ازاماتتار ءۇشىن سايلاۋ ۋچاسكەلەرىندە جاعدايلاردى قامتاماسىز ەتۋ جانە ت.ب. ماسەلەلەر تۋرالى كەڭىنەن ايتىپ بەردى.  وعان قوسا سايلاۋ زاڭناماسىنداعى وزگەرىستەر، سايلاۋ ناۋقانىنىڭ نەگىزگى كەزەڭدەرى، كانديداتتاردىڭ سايلاۋ الدىنداعى ۇگىتتى جۇزەگە اسىرۋ شارتتارى، سايلاۋدىڭ ەرەكشەلىكتەرى، سايلاۋ كوميسسيالارىنىڭ سايلاۋدى ازىرلەۋ مەن وتكىزۋ جونىندەگى وكىلەتتىكتەرى، اۋماقتىق سايلاۋ كوميسسيالارىنىڭ جانە جەرگىلىكتى اتقارۋشى ورگانداردىڭ مۇمكىندىكتەرى شەكتەۋلى ازاماتتاردىڭ قۇقىقتارىن قامتاماسىز ەتۋ جونىندەگى مىندەتتەرى دە ءسوز بولدى.

بۇدان كەيىن ءسوز العان نۇر-سۇلتان قالاسى اكىمىنىڭ ورىنباسارى ەرلان كاناليموۆ سايلاۋشىلار ءتىزىمى تۋرالى، مۇمكىندىكتەرى شەكتەۋلى ازاماتتارعا سايلاۋ ۋچاسكەلەرىندە جاسالعان جاعداي جونىندە، سايلاۋ ۋچاسكەلەرىنىڭ ماتەريالدىق-تەحنيكالىق قاماتاسىز ەتىلۋى جانە قوعامدىق ءتارتىپ پەن قاۋىپسىزدىكتى قامتاماسىز ەتۋ بارىسىندا اتقارىلعان جۇمىستار تۋرالى ايتىپ بەردى. ال قالالىق سايلاۋ كوميسسياسىنىڭ توراعاسى ۆلاديمير رەدكوكاشين 2019 جىلدىڭ 9 ماۋسىمىنا تاعايىندالعان قازاقستان رەسپۋبليكاسى پرەزيدەنتىن كەزەكتەن تىس سايلاۋىنا ازىرلىك پەن ونى وتكىزۋ بارىسىنداعى اتقارىلعان جۇمىستار تۋرالى جانە سايلاۋ كوميسسيالارى مۇشەلەرىن وقىتۋ جونىندە بايانداپ بەردى. بۇدان سوڭ ورتالىق سايلاۋ كوميسسياسىنىڭ حاتشىسى ءسابيلا مۇستافينا ءتۇرلى سۇراقتارعا جاۋاپ قايتاردى.

سول سياقتى وسىنىڭ الدىندا ورتالىق سايلاۋ كوميسسياسىنىڭ مۇشەسى باقىت  مەلدەشوۆ تە شىعىس قازاقستان وبلىسىنا بارعان جۇمىس ساپارى اياسىندا وسكەمەن قالاسىندا سايلاۋدى ۇيىمداستىرۋشىلار ءۇشىن «2019 جىلعى 9 ماۋسىمعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا ازىرلىك پەن ونى وتكىزۋ كەزەڭىندەگى سايلاۋ كوميسسيالارىنىڭ جۇمىسى تۋرالى» وقىتۋ سەمينارىن وتكىزگەن ەدى. وندا ءوڭىر بويىنشا سايلاۋدى وتكىزۋگە دايىندىق ءىس-شارالارى جوعارىدا اتالعان كۇنتىزبەلىك جوسپارعا سايكەس ءتيىستى دارەجەدە وتكىزىلۋدە جانە سايلاۋشىلار تىزىمدەرىن ءتيىستى اكىمدەر ۋچاسكەلىك سايلاۋ كوميسسيالارىنا ۋاقىتىلى بەرىلگەندىگى ايتىلدى. بارلىق سايلاۋ ۋچاسكەلەرى ادىستەمەلىك ماتەريالدارمەن، قاجەتتى جابدىقتارمەن، بايلانىس قۇرالدارىمەن، ينتەرنەت جەلىسىمەن قامتاماسىز ەتىلگەن.

بۇل ءىس-شاراعا اۋماقتىق جانە ۋچاسكەلىك سايلاۋ كوميسسيالارىنىڭ مۇشەلەرى، بەينەكونفەرەنتسبايلانىس رەجيمىندە ەلەكتوراتتىق وقىتۋدىڭ سەرتيفيكاتتالعان جاتتىقتىرۋشىلارى جانە قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسى فيليالىنىڭ جەرگىلىكتى اتقارۋشى، قۇقىق قورعاۋ ورگاندارىنىڭ، سوتتىڭ، وكىلدەرى سونداي-اق جەرگىلىكتى بايقاۋشىلار قاتىستى.

سەمينار بارىسىندا ب.مەلدەشوۆ سايلاۋ ناۋقانىنىڭ ءاربىر كەزەڭىمەن، سايلاۋ زاڭناماسىنا سايكەس سايلاۋدى ۇيىمداستىرۋشىلاردى ولاردىڭ نەگىزگى وكىلەتتىكتەرىمەن جانە مىندەتتەرىمەن تانىستىردى. سايلاۋ ناۋقانىندا سايلاۋ الدىنداعى ۇگىت، وبلىستاعى سايلاۋ كوميسسيالارى مۇشەلەرىن ەلەكتوراتتىق وقىتۋ جانە سايلاۋ ۋچاسكەلەرىن سايلاۋعا دايىنداۋ بارىسىنا كەڭىنەن توقتالدى. بۇل ورايدا شىعىس قازاقستان وبلىسى اكىمى اپپاراتىنىڭ باسشىسى ج.سارسەباەۆ سايلاۋشىلاردىڭ تىزىمدەرىن جاساۋ بويىنشا جۇرگىزىلگەن جۇمىس جايلى، شىعىس قازاقستان وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى م.قۇسايىنوۆا مۇمكىندىكتەرى شەكتەۋلى ازاماتتاردىڭ كەدەرگىسىز داۋىس بەرۋى ءۇشىن جاعدايلاردى قامتاماسىز ەتۋ بويىنشا قابىلدانعان شارالار تۋرالى باياندادى.

شىعىس قازاقستان وبلىستىق سايلاۋ كوميسسياسىنىڭ توراعاسى ە. نابيەۆ وبلىستاعى سايلاۋ كوميسسيالارى مەن ۋچاسكەلەرىن ۇيىمداستىرۋ جانە ولاردى داۋىس بەرۋ كۇنىنە دايىنداۋ جونىندەگى اعىمداعى جاعداي، سايلاۋ كوميسسيالارىنىڭ مۇشەلەرىن كاسكادتىق ادىسپەن جانە قاشىقتىقتا وقىتۋ ادىسىمەن وقىتۋ جانە تەستىلەۋ تۋرالى، سونداي-اق مۇمكىندىكتەرى شەكتەۋلى ازاماتتاردىڭ كەدەرگىسىز داۋىس بەرۋى ءۇشىن جاعدايلاردى قامتاماسىز ەتۋ بويىنشا قابىلدانعان شارالار تۋرالى حابارلادى.

ال وسك اپپاراتىنىڭ باس كونسۋلتانتى ب.دارمۋرزينا سايلاۋ كوميسسيالارى قىزمەتىنىڭ كەيبىر ماسەلەلەرىنە توقتالدى. قاتىسۋشىلارعا داۋىس بەرۋ كۇنىندەگى ۋچاسكەلىك سايلاۋ كوميسسيالارىنىڭ جۇمىسى تۋرالى ورتالىق سايلاۋ كوميسسياسى دايىنداعان وقىتۋ ءفيلمى كورسەتىلدى. ءىس-شارا سوڭىندا قاراستىرىلعان ماسەلەلەر بويىنشا پىكىر الماسۋ ءوتىپ، سۇراقتارعا جاۋاپ بەرىلدى.

سوڭعى جاڭالىقتار

ۇقساس جاڭالىقتار