ايماقتار • 30 مامىر، 2019

باۋىرلاس ەلدىڭ قۋىرشاق تەاترى قوناققا كەلدى

751 رەت كورسەتىلدى

شىمكەنت قالالىق قۋىرشاق جانە جاسوسپىرىمدەر تەاترىندا قازاقستاننىڭ وزبەكستانداعى جىلىنا وراي بالالار قويىلىمىنىڭ تۇساۋى كەسىلدى.

بالالار جازۋشىسى رايم ءفارحاديدىڭ ەرتەگىسى بويىنشا انتونينا ماليۋچەنكا رەجيسسەرلىك ەتكەن «حوچۋ بوداتسيا»  قويىلىمى شىمكەنتتىك جاس بۇلدىرشىندەر نازارىنا ۇسىنىلدى.  دوستىقتى دارىپتەپ، الداۋ-ارباۋدىڭ، جاماندىق جاساۋدىڭ سوڭى جاقسىلىققا اپارمايتىنىن جەتكىزگەن تۋىندىدا بالالار ەرتەگى الەمىنە ساپار شەگىپ، قۋىرشاقتارمەن بىرگە مۇڭايىپ، بىرگە قۋاندى.

قويىلىم سوڭىندا تەاتر ديرەكتورى باحتيار  سپانوۆ مادەنيەت قىزمەتكەرەلەرىن ءتول مەرەكەمەن قۇتتىقتاپ، ەڭبەكتەرىن ەرەكشە اتاپ، ۇزدىكتەرگە قۇرمەت كورسەتتى.

تەاتردا تالماي ەڭبەكتەنگەن ۋميدا ساپاروۆا، ايگەرىم ساپاربەكوۆا، زارەما فارحاتقىزى، جانات وڭالبەك سىندى ازاماتتار شىمكەنت قالاسى اكىمى، شىمكەنت قالاسى ءماسليحاتىنىڭ جانە رەسپۋبليكالىق سالالىق مادەنيەت، سپورت جانە اقپارات قىزمەتكەرلەرى كاسىپوداعىنىڭ العىس حاتتارىمەن ماراپاتتالدى. سونداي-اق، تەاتردا ۇزاق جىلدار بويى ءونىمدى ەڭبەك ەتىپ كەلە جاتقان ومارحان ءناسىر ۇلىنا «ەڭبەك داڭقى» توسبەلگىسى تابىستالدى.

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار