شارانىڭ ماقساتى – ازاتتىق جولىندا جانە اشارشىلىق قاسىرەتىنەن, قۇربان بولعان بابالارىمىزدى ەسكە الۋ, رۋحىنا تاعزىم ەتۋ. ونەگەلى ءىس ارقىلى وسكەلەڭ ۇرپاقتىڭ ساناسىنا, بويىنا وتانسۇيگىشتىك, ەلجاندىلىق ءھام ۇلتجاندىلىق قاسيەتتەردى ءسىڭىرۋ. «رۋحاني جاڭعىرۋ» ارقىلى ەل مۇراتى حاقىندا, تۇتاستىق پەن بىرلىك ارقىلى ۇلتتىق رۋحتى جاڭعىرتۋعا ۇلەس قوسۋ.
ءىس-شارا «الجير» مەموريالدى-مۇراجاي كەشەنىندە ەسكە الۋ قابىرعاسىنا گۇل قويۋ راسىمىنەن باستالىپ, 12:00-دە «جاستار» شاعىن اۋدانىندا ورنالاسقان «قاراوتكەل» مۇسىلمان زيراتىنداعى كەنەسارى حان ساربازدارى جانە الاش قايراتكەرى سماعۇل سادۋاقاس ۇلىنىڭ رۋحىنا قۇران باعىشتاپ, زيارات ەتۋمەن جالعاسادى. بابالار رۋحىنا تاعزىم ەتۋ شاراسىنا ۇلت زيالىلارى مەن قوعام بەلسەندىلەرى قاتىسادى. سونىمەن قاتار, ازا تۇتۋ كۇنىنە وراي بەلگىلى سۋرەتشى الماس سىرعابايدىڭ «جوق, ۇمىتۋعا بولمايدى» اتتى جەكە كورمەسىنىڭ تۇساۋ كەسەرى ۇيىمداستىرىلادى.
كەشەندى ءىس-شارا اياسىندا 13:00-دە № 76 مەكتەپ-ليتسەيدە (تۇركىستان ك-ءسى., 5) «الاش القاسى» عىلىمي-تانىمدىق ينتەللەكتۋالدى جاستار كلۋبىنىڭ العاشقى وتىرىسى وتەدى. شاراعا بەلگىلى الاشتانۋشى-عالىمدار مەن جاس زەرتتەۋشىلەر, ۇلت تاريحى مەن رۋحانياتىنا قىزىعۋشىلىق تانىتقان جالپى كوپشىلىك قاتىسادى. بۇل جاڭا جوبا الداعى ۋاقىتتا الاشتىڭ ءار قايراتكەرىنە باعىتتالىپ, ءار ايدا تۇراقتى تۇردە وتەدى.
اتالعان كەشەندى ءىس-شارالار قورىتىندىسى وقۋشىلار سارايىنىڭ تەاتر زالىندا وتەدى. ساعات 17:00-گە جوسپارلانعان «قاسىرەت پەن تاعزىم» رۋحاني-تانىمدىق كەشىندە تەاترلاندىرىلعان قويىلىم جانە مونولوگ ۇسىنىلادى. سونىمەن قاتار, زۇلمات جىلدار جايىندا بەينەسجەتتەر كورسەتىلەدى, سول زاماننىڭ كۇيى شەرتىلىپ, مۇڭدى اندەر ورىندالادى. سونداي-اق, ساياسي قۋعىن-سۇرگىن قۇرباندارىنىڭ, الاش قايراتكەرلەرىنىڭ ۇرپاقتارى, عالىمدار ءوز پىكىرلەرىن ورتاعا سالادى
وسىعان وراي, بارلىق باق وكىلدەرىن قوعامدىق ماڭىزى زور ءىس-شارامىزعا قاتىسىپ, اقپاراتتىق قولداۋ كورسەتۋگە شاقىرامىز.
