قازاقستان رەسپۋبليكاسىنىڭ وزبەكستانداعى ەلشىسى دارحان ساتىبالدى وزبەكستان رەسپۋبليكاسىنىڭ ولي ماجليس سەناتىنىڭ توراعاسى نيگماتيللا يۋلدوشەۆپەن كەزدەستى.
كەزدەسۋ بارىسىندا ن.يۋلدوشەۆ قازاقستاننىڭ قارقىندى دامۋىنا جوعارى باعا بەرىپ, تاشكەنت نۇر-سۇلتان قالاسىمەن جان-جاقتى قارىم-قاتىناستى دامىتۋعا ورتالىق ازيا وڭىرىندەگى نەگىزگى سەرىكتەسى رەتىندە ۇلكەن ءمان بەرەتىنىن اتاپ ءوتتى.
ءوز كەزەگىندە ەلشى د.ساتىبالدى سۇحباتتاسىن قازاقستانداعى سوڭعى ساياسي جانە الەۋمەتتىك-ەكونوميكالىق وزگەرىستەر, اتاپ ايتقاندا الداعى پرەزيدەنتتىك سايلاۋ تۋرالى حاباردار ەتتى.
قازاقستاندىق ديپلومات ەكى ەل كوشباسشىلارىنىڭ ءوزارا تۇسىنىستىگىنە نەگىزدەلگەن بىرلەسكەن جۇمىستىڭ ارقاسىندا ەلدەر ەكىجاقتى جانە كوپجاقتى ءوزارا ءىس-قيمىلدى نىعايتۋدا جوعارى ناتيجەلەرگە قول جەتكىزگەنىن اتاپ ءوتتى.
وسى ورايدا ەكى ەلدىڭ زاڭ شىعارۋشى ورگاندارى اراسىنداعى, ونىڭ ىشىندە ەكى مەملەكەت پارلامەنتتەرى پالاتالارىنىڭ باسشىلارى اراسىندا ساپارلار الماسۋ ارقىلى ىنتىماقتاستىقتى دامىتۋدىڭ ماڭىزدىلىعى ايتىلدى.
سونداي-اق سەنات توراعاسى قازاقستاندىق ديپلوماتقا باۋىرلاس ەلدەر اراسىنداعى قاتىناستاردى ودان ءارى كەڭەيتۋ جولىنداعى جۇمىسىنا تولاعاي تابىستار تىلەدى.
