جيىندا ب.مامىتاليەۆ شاھار كوشەلەرىندەگى باننەرلەر, سكروللدار, لەد-ەكراندار, بيلبوردتارىنىڭ ورنالاسۋ ءتارتىبى جونىندە سالا جاۋاپتىلارىنىڭ ۇسىنىستارىن تىڭدادى.
«وسى سالانى رەتتەۋگە قاتىستى ۇسىنىستارىمىزدىڭ ءبىرى - سىرتقى جارناماعا ارنالعان كونسترۋكتسياعا 3 جىلدان 5 جىلعا دەيىنگى مەرزىمگە جەر بەرۋ. بۇل - جەر جالعا الۋشىلارعا تيەسىلى بولاتىنىن بىلدىرەدى. قازىر كاسىپكەرلەردىڭ ۇسىنىستارىن كۇتەمىز. قالامىزدا وسى سالادا 20-دان استام كاسىپكەر جۇمىس ىستەيدى. وكىنىشكە قاراي, كەزدەسۋگە ولاردىڭ 5-ءى عانا كەلدى. ەگەر ايتارلارىڭىز بار بولسا, سوڭعى جوباعا ەنگىزۋ ءۇشىن بارلىق ۇسىنىستارىڭىزدى جيناقتاپ, "اتامەكەن" ۇق شف ارقىلى ساۋلەت باسقارماسىنا جولداڭىز. ويتكەنى, بيزنەسىڭىزدى دامۋى وسىعان بايلانىستى بولماق», دەيدى باۋىرجان مامىتاليەۆ.
جالپى العاندا, بۇگىنگى تاڭدا شىمكەنتتە سىرتقى جارنامانىڭ 80 پايىزدان استامى ەرەجەگە ساي كەلمەيدى. تەحنيكالىق شارتتاردى ساقتاماي ورناتىلعان بيلبوردتار ءجيى كەزدەسەدى. سوندىقتان قالا اكىمىنىڭ ورىنباسارى شىمكەنتتە سىرتقى جارناما ورنالاستىرۋ بويىنشا جاڭا ەرەجە كۇشىنە ەنەتىندىگىن ايتتى.
