العاشقى اينالىمدا ءۇش جەرلەسىمىز جەڭىلىستىڭ كەرمەك ءدامىن تاتتى. اتاپ ايتساق, يۋليا پۋتينتسەۆا شۆەتسيالىق رەبەككا پەتەرسوننان جەڭىلدى – 3:6, 5:7.
ەلەنا رىباكينا چەحيالىق كاتەرجينا سينياكوۆاعا ەسە جىبەردى – 6:7, 1:6.
ميحايل كۋكۋشكيننىڭ سلوۆاكيالىق مارين كليجانعا ءالى جەتپەدى – 6:3, 7:5, 4:6, 2:6, 3:6.
ال تۇساۋكەسەر كەزدەسۋدە زارينا دياس فرانتسيالىق ودري ءالبيدى 6:2, 6:2 ەسەبىمەن وڭاي ۇتسا, الەكساندر بۋبليكتىڭ گەرمانيالىق رۋدولف موللەكەردەن مەرەيى ۇستەم بولدى – 7:5, 6:7, 6:1, 7:6. وسىلايشا, جارىس جولىندا قوس تەننيسشىمىز عانا قالدى.
ەكىنشى كەزەڭدە زارينا دياس بۇگىن ۆەرونيكا كۋدەرمەتوۆامەن كەزدەسەدى. 22 جاستاعى رەسەيلىك ويىنشى ءالى بيىك بەلەستەردى باعىندىرا قويماعانىمەن, ءوزىنىڭ تاباندىلىعىنىڭ ارقاسىندا قازىرگى كەزدە WTA تىزىمىندە 68-ورىندا تۇر.
الەكساندر بۋبليك ەرتەڭ دومينيك تيممەن كۇش سىناسادى. بۇل كۇندەرى الەمنىڭ ءتورتىنشى راكەتكاسى اتانىپ وتىرعان اۆستريانىڭ وكىلى بىلتىر «رولان گارروستىڭ» فينالىندا ويناعان. ونىڭ باسقا دا تولىپ جاتقان تابىستارى تاعى بار.
