اڭگىمەلەسۋ بارىسىندا ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ وزەكتى ماسەلەلەرى تالقىلاندى. 2018 جىلى قازاقستان مەن جاپونيا اراسىنداعى تاۋار اينالىمى 54%-عا ءوسىپ, $2 ملرد قۇرادى.
ينۆەستيتسيالار, اۋىل شارۋاشىلىعى, تەحنولوگيالار, يننوۆاتسيالار سالالارىنداعى قازاقستان مەن جاپونيا ەكونوميكالارى اراسىنداعى سينەرگيا كەلەشەگى قارالدى. تاراپتار اتالعان باعىتتا ەكى ەلدىڭ كاسىپكەرلەرىنىڭ ىسكەرلىك بايلانىستارىن تەرەڭدەتۋدىڭ جانە جاڭا ينۆەستيتسيالىق ءمۇمكىندىكتەر ىزدەستىرۋدىڭ الاڭىنا اينالاتىن قازاقستان – جاپونيا بيزنەس فورۋمىن ءوتكىزۋ مۇمكىندىگىن تالقىلادى.
ۇكىمەت باسشىسى ستراتەگيالىق سەرىكتەستىكتى دامىتۋدىڭ ماڭىزدى ءمانىن اتاپ ءوتىپ, قازاقستاننىڭ تەحنولوگيالىق دامۋ سالاسىنداعى ءوزارا ءىس-قيمىلدى نىعايتۋعا دەگەن قىزىعۋشىلىعىن راستادى. بۇل ونەركاسىپ كاسىپورىندارىندا ەڭبەك ءونىمدىلىگىن ارتتىرۋعا جول اشادى جانە ەكىجاقتى ىنتىماقتاستىققا جاڭا سەرپىن بەرەدى.
