كونستيتۋتسيالىق كەڭەستىڭ توراعاسى ق.ءمامي جەتەكشىلىك ەتكەن دەلەگاتسيا قۇرامىنا كەڭەستىڭ مۇشەسى ۆ. مالينوۆسكي, قۇقىقتىق قامتاماسىز ەتۋ جانە حالىقارالىق ىنتىماقتاستىق ءبولىمىنىڭ باسشى قىزمەتكەرلەرى م.باداليەۆ جانە ن. تاسبولاتوۆ كىردى.
ءىس-شارا 2016 جىلى قازاقستان مەن رەسەيدىڭ كونستيتۋتسيالىق ءادىلەت ورگاندارى اراسىندا جاسالعان ىنتىماقتاستىق تۋرالى مەموراندۋم اياسىندا رەسەي تاراپىنىڭ باستاماسىمەن جۇزەگە اسىرىلدى.
ساپار بارىسىندا قازاقستان دەلەگاتسياسى مەن رەسەي كونستيتۋتسيالىق سوتىنىڭ قۇرامى اراسىندا پىكىر جانە اقپارات الماسىلدى.
سۋديالارمەن اڭگىمەلەسۋ بارىسىندا ق.ءمامي: «كەيبىر ينستيتۋتسيونالدىق ايىرماشىلىقتارعا قاراماستان, ءبىز ۇقساس ماقساتتاردى كوزدەيمىز. بۇل كونستيتۋتسيانىڭ ۇستەمدىگىن, وعان زاڭناما مەن قۇقىق قولدانۋ پراكتيكاسىنىڭ سايكەستىگىن قامتاماسىز ەتۋگە, ادامنىڭ قۇقىقتارى مەن بوستاندىقتارىن قورعاۋعا تىكەلەي قاتىستى», دەدى.
«ءوزارا ءىس-قيمىلدىڭ مۇنداي فورماتى بىزگە جۇكتەلگەن وكىلەتتىكتەردى ىسكە اسىرۋ ءتاسىلدەرى مەن جولدارىن, نەگىزگى زاڭنىڭ جەكەلەگەن نورمالارىن ءتۇسىندىرۋ جانە كونستيتۋتسيالىق قۇندىلىقتاردى قورعاۋ پراكتيكاسىن تەرەڭىرەك زەرتتەۋگە ءمۇمكىندىك بەرەدى. ءبىزدىڭ قارىم-قاتىناستارىمىز الداعى ۋاقىتتا دا جەمىستى ىنتىماقتاستىق پەن الدا تۇرعان كۇردەلى مىندەتتەردى شەشۋ كەزىندە ءوزارا قولداۋ كورسەتۋ رۋحىندا دامي بەرەتىنىنە سەنىمدىمىن», دەپ قورىتىندىلادى ءسوزىن ق. ءمامي.
كونستيتۋتسيالىق باقىلاۋدى جۇزەگە اسىرۋ ساپاسى بەلگىلى ءبىر شامادا وسى ورگانداردىڭ اپپاراتتارى قامتاماسىز ەتەتىن اقپاراتتىق-تالدامالىق جانە عىلىمي-كونسۋلتاتيۆتىك سۇيەمەلدەۋ دەڭگەيىنە دە بايلانىستى. سوندىقتان قازاقستان كونستيتۋتسيالىق كەڭەسى اپپاراتىنىڭ قىزمەتكەرلەرى رەسەي كونستيتۋتسيالىق سوتى حاتشىلىعى باسقارمالارىنىڭ باستىقتارىمەن كەلىپ تۇسكەن ءوتىنىشتەردى قاراۋ كەزىندە وسى ورگانداردىڭ قۇرامدارىمەن ءوزارا ءىس-قيمىل ماسەلەلەرىن تالقىلادى.
تۇتاستاي العاندا, ساپار قازاقستان مەن رەسەي فەدەراتسياسىنىڭ كونستيتۋتسيانىڭ ءۇستەمدىگىن قامتاماسىز ەتۋ سالاسىنداعى ىنتىماقتاستىعىنا جاڭا سەرپىن بەرۋگە جانە ەكى مەملەكەتتىڭ كونستيتۋتسيالىق دامۋ پروتسەستەرىنە بايلانىستى كوپتەگەن وزەكتى ماسەلەلەردى شەشۋ جولدارىن تابۋعا ءمۇمكىندىك بەرەدى.
