سۇحبات • 29 مامىر، 2019

ەلوردادا ەتنوفەستيۆال وتەدى

745 رەت كورسەتىلدى

جۋىقتا نۇر-سۇلتان قالاسى اكىمدىگى مەن ۇلتتىق سپورت قاۋىمداستىعى بىرلەسىپ ەلوردادا «Nur-Sultan Ethno Fest» اتتى ەتنوفەستيۆال مەرەكەسىن وتكىزبەكشى. ەتنوسپورت جانە ۇلتتىق سالت-ءداستۇردى ۇلىقتاۋ ماقساتىندا ۇيىمداستىرىلىپ وتىرعان شارا تۋرالى كەڭىرەك ءبىلۋ ءۇشىن ۇلتتىق سپورت قاۋىمداستىعىنىڭ اتقارۋشى ديرەكتورى راحات جاقسىبايمەن سۇحباتتاسقان ەدىك.

– راحات مىرزا، «Nur-Sultan Ethno Fest» مەرەكەسى قايدا وتەدى جانە كورەر­مەن نازارىنا قانداي شارا ۇسى­نىل­ماق؟

– «Nur-Sultan Ethno Fest» ەتنوفەس­تيۆالى ەلورداداعى «حان شاتىر» كەشەنى ماڭىندا الداعى 31 مامىر مەن 2 ماۋ­سىم ارالىعىندا وتەدى. تۇڭعىش رەت ۇيىمداستىرىلىپ وتىرعان بۇل شارانى ەلوردالىقتار مەن قالا قوناقتارى تاماشالاي الادى. ال كورەرمەن نازارىنا ۇسىنىلاتىن قىزىقتارعا توقتالساق، بالالارعا ارنالعان ەتنواتتراكتسيوندا ۇلتتىق ويىن تۇرلەرى وتكىزىلىپ، قاتىسۋ­شىلارعا سىيلىق ۇلەستىرىلەدى. ەكىن­شى­دەن، فەستيۆال اياسىندا جامبى اتۋدان الەم چەمپيوناتى جانە ءداستۇرلى ساداق اتۋدان رەسپۋبليكالىق تۋرنير وتپەكشى. بۇدان بولەك ەتنوفەستيۆال كورەرمەندەرى اۋدارىسپاق، ساداق اتۋ، ارقان تارتۋ، سەركە كوتەرۋ، نايزا لاقتىرۋ، اسىق اتۋ سياقتى كوپتەگەن ۇلتتىق ويىندار جارىسىندا باق سىناپ، سىيلىق الاتىن مۇمكىندىك قاراستىرىلعان. ونىڭ سىرتىندا اتا-انالار بالالارىمەن بىرگە قۋىرشاق تەاترىنىڭ قويىلىمدارىن تاماشالاپ، اتپەن سەرۋەندەپ، بالا كۇرەس، اۋدارىسپاق، اسىق اتۋ، لاڭگى تەبۋ، قاپپەن سەكىرۋ سەكىلدى جارىستارعا قاتىسا الادى.

ارنايى جاساقتالعان ەتنو­قالاشىقتا ۇلتتىق قولونەر بۇيىم­دا­رىن ساۋدالايتىن ورىندار، ۇلتتىق ويىنداردان سايىس وتەتىن سپورتتىق الاڭدار جانە ۇلتتىق جيھازدارمەن جابدىقتالعان كيىز ۇيلەر ورنالاسادى.

– جامبى اتۋدان وتەتىن الەم چەمپيو­­ناتى تۋرالى كەڭىرەك ايتىپ وتسەڭىز.

– وسىعان دەيىن ەلوردا تورىندە جامبى اتۋدان «التىن جەبە» باسەكەسى وتكىزىلگەن ەدى. وعان ۆەنگريا، وڭتۇستىك كورەيا، فينليانديا، مالايزيا، تۇركيا، موڭعوليا، رەسەي، رۋمىنيا، پولشا، ت.ب. ەلدەر­دىڭ مەرگەندەرى قاتىسقان بولاتىن. «التىن جەبە» ءتۋرنيرىنىڭ باس جۇلدەسىن ميحاي كوزمەي ەسىمدى رۋمىنيالىق سۇر­مەر­گەن ەكى جىل قاتارىنان ۇتقانى بەلگىلى.

بۇل رەتكى مەرگەندەر سايىسىندا وڭ­تۇس­تىك افريكا، وڭتۇستىك كورەيا، رەسەي، رۋمىنيا، تۇركيا، ۆەن­­گريا جانە ت.ب. مەم­­لەكەتتەردىڭ مەر­­گەن­دە­رى باق سى­نايدى. جا­رىس­قا قا­تىسۋشى ءاربىر ەلدەن ەكى سپورت­شىدان، ۇيىم­­­­­­داس­­تىرۋشى رەتىندە ءبىز­دىڭ ەل بەس مەر­گەنىن قوسا­دى. چەم­پيو­نات «ازيا ءستيلى»، «ءتۇ­رىك ءستيلى» جانە «قازاق ءستيلى» ەرە­جەلەرى بويىنشا وتكىزىلەدى.

– ءسىز اتالعان ەتنوفەستيۆال ۇلت­تىق سالت-ءداستۇرىمىزدى ۇلىقتاۋعا ار­نال­­­­عان دەدىڭىز، وسى جايلى تارقاتىپ اي­تىپ بەرسەڭىز؟

– ەتنو­فەستيۆالدىڭ وزەگى – ۇلتتىق سالت-ءداستۇردى ۇلىقتاۋ دەسەك جاڭىل­ماي­مىز. جوعارىدا ايتىپ وتكەنىمىزدەي، ارقان تارتۋ، اسىق اتۋ، سەركە كوتەرۋ، قاپپەن سەكىرۋ سياقتى ويىنداردىڭ سىرتىندا، اتپەن جانە جەردە تۇرىپ نايزا لاقتىرۋ سايىسىنىڭ ەكى ءتۇرى، قامشىمەن تەرىنى قاق ءبولۋ سياقتى قامشىگەرلىك ونەر، ۇلتتىق ساداق اتۋدان مەرگەندىك باسەكەسى، اۋدارىسپاق پەن تەڭگە ءىلۋدىڭ كوپشىلىككە ىڭعايلى جاساندى اتپەن ورىندالاتىن ءتۇرى بار.

ءار ويىننىڭ باسى-قاسىندا تاجىريبەلى تورەشىلەر بولادى. ەڭ قىزىعى، كەيبىر ۇمىتىلعان ۇلتتىق داستۇرلەر وسى مەرەكە كەزىندە جاڭعىرتىلماق. مىسالى، قامشىگەرلىك ونەر، تەزگە سالۋ، قولقا سالۋ، تىعىرىققا تىرەۋ، ارقان ءورۋ، قامشى ءورۋ، ت.ب. دۇنيەلەر جۇرتشىلىق نازارىنا ۇسىنىلىپ، ولاردىڭ شىعۋ تاريحى مەن ءمان-ماعىنالارى جايلى ەتنوگراف عالىمدار حالىققا تۇسىندىرەدى.


اڭگىمەلەسكەن بەكەن قايرات ۇلى،

«Egemen Qazaqstan»


سوڭعى جاڭالىقتار

مەرەكە كۇندەر جاڭبىرلى بولادى

اۋا رايى • بۇگىن، 10:32

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ارداگەرلەر ازايىپ بارا جاتىر...

قازاقستان • بۇگىن، 07:38

ۇقساس جاڭالىقتار