– باعانىڭ قالاي وزگەرەتىنى الدىمىزداعى ماۋسىم ايىنىڭ 26-سىندا ۆەنادا وتەتىن Oپەك مۇشەلەرىنىڭ كەزدەسۋىنە بايلانىستى بولىپ تۇر. ءىرى ينۆەستورلار وسى باسقوسۋدىڭ ءناتيجەسىنە قاراپ ارەكەت ەتەدى. مەنىڭشە, وپەك تاياۋ شىعىستاعى احۋالدىڭ بەيبىت شەشىلۋىن, اقش پەن يران اراسىندا ەشقانداي قارۋلى ءىس-قيمىلداردىڭ بولماۋىن تالاپ ەتە وتىرىپ, مۇناي ءوندىرۋ كولەمىن ازايتۋدى جالعاستىرا بەرۋ تۋرالى شەشىم شىعارادى, – دەيدى ساراپشى.
ونىڭ ايتۋىنشا, رەسەيدىڭ ۇستانىمى باسقا مەملەكەتتەرگە قايشى كەلۋى ابدەن مۇمكىن. سەبەبى ءدال قازىر رەسەي ءۇشىن مۇنايدى كوپ ءوندىرۋ, ءسويتىپ اقش-قا شيكىزات تاسيتىن ۆەنەسۋەلانىڭ ورنىن باسۋ ءتيىمدى.
قازىر باررەل باعاسى 68,7 دوللارعا ساتىلۋدا. قازىرگى حالىقارالىق نارىقتا قالىپتاسقان احۋالدى ەسكەرە وتىرىپ, باعا جۋىق ارادا قارقىندى تۇردە كوتەرىلەدى دەپ كۇتۋدىڭ قاجەتى جوق. مۇناي قازىر قارجى قۇرالىنان گورى, ساياسي قۇرالدىڭ قىزمەتىن كوبىرەك اتقارادى, سول سەبەپتى كوپ نارسە اقش پرەزيدەنتى د.ترامپتىڭ ارەكەتى مەن الەمدەگى ەكونوميكالىق احۋالعا بايلانىستى بولماق.
قازىرگى تاڭدا 1 باررەلدىڭ باعاسى 70-75 دوللاردىڭ توڭىرەگىندە تۇراقتاسا, مۇناي ەكسپورتتاۋشى ەلدەر ءۇشىن دە, يمپورتتايتىن ەلدەر ءۇشىن دە ءتيىمدى مەجە سول دەۋگە بولادى.
