بالالار جاراقاتىنىڭ الدىن الۋ اپتالىعى اتا-انالاردى, بالالاردى, مامانداردى جانە بۇكىل قوعامدى بالا قاۋىپسىزدىگىن قالاي قامتاماسىز ەتۋ قاجەت ەكەندىگى جايلى حاباردار ەتۋ ماقساتىندا, سونداي-اق تۇنشىعۋ, قۇلاۋ, كۇيىپ قالۋ, جول-كولىك وقيعالارىنا ۇشىراۋ, كىشكەنتاي زاتتاردى جۇتىپ قويۋ سياقتى بايقاۋسىز جاراقاتتاردىڭ سالدارىنان بالالاردىڭ مۇگەدەك بولىپ قالۋىنىڭ نەمەسە ءولىمىنىڭ الدىن الۋ ءۇشىن وتكىزىلەدى. جازعى ۋاقىت – بالالار ءۇشىن ەڭ قاۋىپتى كەزدىڭ ءبىرى, ويتكەنى كوپتەگەن بالالاردىڭ جاراقاتتانۋى وسى توقساندا تىركەلەدى.
يۋنيسەف زەرتتەۋلەرىنە قاراعاندا, ءتۇرلى دەنە جاراقاتتارى قازاقستانداعى جانە الەمدەگى بالالار ءولىمى مەن اۋرۋحاناعا ءتۇسۋىنىڭ باستى سەبەپتەرىنىڭ ءبىرى ەكەن. دەنساۋلىق ساقتاۋ سالاسىنداعى رەسپۋبليكالىق ەلەكتروندىق ورتالىقتىڭ مالىمەتتەرى بويىنشا, 2017 جىلى وقىس جاعدايلارىدڭ كەسىرىنەن 1283 بالا جازىم بولعان. ال 27 مىڭ 702 بالا بايقاۋسىز جاراقات سالدارىنان اۋرۋحاناعا تۇسكەن.
ال, بالالار جاراقاتىنىڭ الدىن الۋ اپتالىعىنا ورالار بولساق, 26 مامىردا جاراقات العان بالارمەن فوكۋس-توپ كەزدەسۋلەرى ۇيىمداستىرىلدى. تالقىلاۋ بارىسىندا بالالار جاراقاتتانعان كەزدەگى ءوز تاجىريبەلەرىمەن ءبولىسىپ, قاۋىپسىز ورتانى قۇرۋ ءۇشىن قانداي شارالار مەن جاعدايلار جاسالۋ قاجەتىگى جايلى ويلارى مەن تىلەكتەرىن ايتتى.
28 مامىردا بالالارى نەمەسە تۋىس-تۋعاندارىنىڭ بالالارى جاراقاتتانعان اتا-انالاردىڭ فوكۋس-توبى وتەدى. كەزدەسۋدە اتا-انالار تاجىريبەلەرىمەن الماسىپ, بالالاردىڭ وقىس جاعدايلارعا ۇرىنىپ قالماۋى قاداعالاۋ جولدارى تۋرالى پىكىر الماسادى.
29 مامىر كۇنى ءتۇرلى سالا ماماندارىنا ارنالعان ارانيى ءدارىس وتەدى. دەنساۋلىق ساقتاۋ, ءبىلىم بەرۋ, اكىمشىلىك پوليتسيا, توتەنشە جاعدايلار, كوممۋنالدىق شارۋاشىلىق, اقپارات جانە مادەنيەت, الەۋمەتتىك قورعاۋ سالالارىنداعى ماماندار ءۇشىن دەنساۋلىق ساقتاۋ ۇيىمىنىڭ وقىتۋ پاكەتى مەن يۋنيسەف-ءتىڭ «قاۋىپسىز ورتانى» قامتاماسىز ەتۋ مودۋلىنە نەگىزدەلگەن سەمينار وتەدى. گەرمانيادان ارنايى شاقىرىلعان حالىقارالىق ساراپشى دجوان ۆينتسەنتەن جيىنعا قاتىسادى.
30 مامىردا – بالالار جاراقاتتىنىڭ الدىن-الۋ جونىندەگى دوڭگەلەك ۇستەل وتەدى. وندا قازاقستاننىڭ سەگىز وڭىرىندەگى 14 جاسقا دەيىنگى بالالاردىڭ اتا-انالارىمەن جۇرگىزىلگەن سۇحبات ارقىلى جينالعان يۋنيسەف-ءتىڭ زەرتتەۋ ناتيجەلەرى مەن ۇسىنىستارى تانىستىرىلادى. سونداي-اق بالالاردىڭ جاراقاتتانۋىن الدىن الۋ ءۇشىن كەلەسى ءۇش جىلدىڭ ستراتەگيالىق قادامدارى جوسپارلانادى.
