«سۇڭقار» حالىقارالىق شاڭعى ترامپليندەر كەشەنىندە وتكەن جارىسقا قازاقستاننىڭ بارلىق ايماعىنان مىڭعا جۋىق بالۋان ءوز باقتارىن سىنادى. ەكى كەزەڭگە بولىنگەن جارىستىڭ العاشقى كۇنىندە ىرىكتەۋدەن ىركىلمەگەن 32 بالۋان بەلدەسۋدىڭ ەكىنشى كەزەڭىنە جولداما الدى.
فينالدىق سايىستا جاۋىرىنى جەرگە تيمەي, بارلىق قارسىلاسىن قوعاداي جاپىرعان الماتى قالاسىنىڭ بالۋانى داۋرەن نۇرالينوۆ «حالىق بارىسى» اتانىپ, 9 ملن تەڭگە قارجىلاي سىياقى يەلەندى. فينالدا جەڭىلىپ, ەكىنشى ورىن العان تالعات جيەنتاەۆقا (قوستاناي وبلىسى) 4,5 ملن تەڭگە جانە ءۇشىنشى ورىنداعى عالىمجان قىرىقباەۆقا (جامبىل وبلىسى) 2,7 ملن تەڭگەنىڭ سەرتيفيكاتى تابىستالدى.
