ا. ساپاروۆ پرەمەر-مينيستر اسقار مامين قاتىسقان اۋىل شارۋاشىلىعى مينيسترلىگىنىڭ كەڭەسىندە اتالمىش جوبانىڭ تۇساۋكەسەرى بولعانىن جەتكىزدى.
«باعدارلاما قارجىلىق, ماماندار دايىنداۋ سياقتى ماسەلەلەردى قامتىپ, تەرىسكەي اگرارشىلارىن قولداۋعا ارنالعان. بەس جىل ىشىندە سويا داقىلىنىڭ كولەمىن 1,5 ميلليون گەكتارعا, جالپى ءونىمدى 3 ميلليون تونناعا دەيىن جەتكىزۋ بەلگىلەنگەن. مۇنىڭ ءوزى وڭدەۋشى كاسىپورىنداردىڭ قۋاتتىلىعىن, ەڭبەك ونىمدىلىگىن, ەكسپورت مولشەرىن ارتتىرۋعا, جاڭا جۇمىس ورىندارىن قۇرۋعا مۇمكىندىك بەرەدى», دەدى ايداربەك سەيپىل ۇلى.
استىقتى ولكەنىڭ پيلوتتىق جوبانىڭ بىرەگەي الاڭى رەتىندە تاڭداپ الىنۋى كەزدەيسوق ەمەس. وڭىردە استىق ءوندىرىسىن ءارتاراپتاندىرۋدىڭ ناتيجەسىندە مايلى داقىلدار جالپى ەگىستىك القابىنىڭ تورتتەن ءبىرىن قۇراپ, 1 ميلليون گەكتارعا جەتىپ وتىر. بيىل العاش رەت 15 مىڭ گەكتارعا سويا ەگۋ تاجىريبەسى قولعا الىندى. اۆستريادان اكەلىنگەن ەليتالى, سۋپەرەليتالى تۇقىم جەتكىلىكتى, ارنايى تەحنيكالار بار. سويادان كەيىن بيداي جاقسى وسەدى. باعاسى دا جوعارى.
