جوعارى لاۋازىمدى قىزمەتكەر بەرگەن تۇسىنىكتەمەگە ساي, ول تورت كەسىپ جاتقاندا قولى تايىپ كەتىپ, كەۋدەسىنىڭ سول جاق تۇسىن پىشاقپەن جاراقاتتاپ العان ەكەن. ءتارتىپ ساقشىلارىنىڭ ايتۋىنشا, وبلىس اكىمىنىڭ ورىنباسارى ەشكىمگە كىنا ارتپاعان, قانداي دا ءبىر ارىز-شاعىم جازۋدان باس تارتقان.
اتالعان وقيعا تۋرالى ا.ايداروۆتىڭ ءوزى فەيسبۋك جەلىسىندەگى پاراقشاسىندا مىناداي جازبا قالدىردى:
«دوستار, مەنىڭ دەنساۋلىعىم تۋرالى اقپاراتقا بايلانىستى كوپتەگەن قوڭىراۋ ءتۇسىپ جاتىر. ۋايىمداعاندارىڭىزعا راحمەت! مەندە ءبارى جاقسى – كادىمگى ۇيدەگى جاراقات. كەشكە قاراي بايقاماي كەسىپ الدىم, تۇندە قاناي بەرگەن سوڭ, تاڭ اتقانىن كۇتپەستەن جەدەل جاردەم شاقىرۋعا تۋرا كەلدى».
وبلىس اكىمىنىڭ ءباسپاسوز قىزمەتى دە ايداروۆتىڭ جاعدايىنا الاڭداۋعا ەشقانداي نەگىز جوق ەكەنىن حابارلادى.
«اكىمنىڭ ورىنباسارى ءوزىن جاقسى سەزىنەدى. تولىقتاي ساۋ. ەرتەڭ بارلىق قازاقستاندىقتار سياقتى كۇندەلىكتى رەجىمدە جۇمىسقا شىعادى» دەپ اتاپ ءوتتى اكىمدىكتەگىلەر.
35 جاستاعى الماس ايداروۆ 2017 جىلدىڭ 28 ماۋسىمىنان باستاپ قاراعاندى وبلىسى اكىمىنىڭ ونەركاسىپ, شاعىن جانە ورتا بيزنەستى دامىتۋ, يندۋستريالاندىرۋ جانە ينۆەستيتسيا جونىندەگى ورىنباسارى قىزمەتىن اتقارىپ كەلەدى.
قاراعاندى وبلىسى
