قازاقستان • 26 مامىر، 2019

پارلامەنتتەگى كورمەگە پاۆلودارلىق كاسىپورىندار قاتىستى

1101 رەتكورسەتىلدى

پارلامەنتتەگى كورمەگە پاۆلودارلىق «رۋبيكوم»، «ايسبەرگ پۆ»، «مولكوم» ، «ساعىپ» جشس كاسىپورىندارى قاتىستى. پارلامەنتتە وتكەن تىڭداۋلار بارىسىندا وبلىس اكىمى بولات باقاۋوۆ وڭىردەگى ەت پەن ءسۇت ونىمدەرىن ءوندىرۋ، وڭدەۋ جانە ەكسپورتتاۋ ماسەلەلەرى بويىنشا ءمالىم ەتتى.

ءوز سوزىندە  وبلىس اكىمى وڭىردەگى اۋىل شارۋاشىلىق ءوندىرىسىن دامىتۋدىڭ الەۋەتىن تانىستىرىپ، فەرمەرلەر تاپ بولاتىن قيىندىقتارعا توقتالدى.

- ەتتى مال شارۋاشىلىعى سالاسىندا سالالىق قۇرىلىم جاساۋمەن اينالىسامىز. وتباسىلىق فەرمالار، بىرنەشە ءىرى مال بورداقىلاۋ الاڭدارىن قۇرىپ، ەتتى وڭدەۋ قولعا الىنۋدا، - دەدى بولات باقاۋوۆ. – وبلىستا جالپى قۋاتتىلىعى 13،4 مىڭ باس مالعا ارنالعان بورداقىلاۋ الاڭدارى بار. وسى جىلى 10 مىڭ باس مالعا ارنالعان ەكى ينۆەستيتسيالىق جوبا باستالدى. بۇل ءوڭىردىڭ ونەركاسىپتىك بورداقىلاۋ الاڭدارعا دەگەن قاجەتتىلىگىن تولىق وتەۋگە مۇمكىندىك بەرەدى.

ءسۇتتى مال شارۋاشىلىعىنا كەلەتىن بولساق، جالپى قۋاتتىلىعى 10 مىڭ باس مالدى قۇرايتىن 28 ءىرى جانە ورتا ءسۇتتى-تاۋارلى فەرما بار. وبلىستا 3،4 مىڭ باس مالعا ارنالعان 6 ءسۇتتى-تاۋارلى فەرمانى ىسكە قوسۋ جانە كەڭەيتۋ جوسپارلانىپ وتىر.

- بىلتىر ءتىرى سالماقتاعى 96،5 مىڭ توننا ەت جانە 382،1 مىڭ توننا ءسۇت ءوندىرىلدى،- دەدى ءوڭىر باسشىسى. – شيكىزات ءوندىرىسىنىڭ ارتۋى ءسۇت جانە ەتتى وڭدەيتىن كاسىپورىنداردىڭ سانىنىڭ ارتۋىنا اسەر ەتەدى. وتكەن جىلى ەتتى ەكسپورتتاۋ جوسپارى ۇشتەن بىرگە ورىندالىپ، 3،8 ميلليون اقش دوللارى سوماسىنا 1350 توننا ەت شەت ەلدەرگە شىعارىلدى. 

دامۋ پەرسپەكتيۆالارىمەن قاتار، وبلىس اكىمى شارۋالاردى تولعاندىراتىن كۇردەلى ماسەلەلەردى دە اتاپ ءوتتى. ولاردىڭ ءبىرىنشىسى –اۋىل شارۋاشىلىعىنىڭ دامۋىنا تەرىس اسەر ەتەتىن مەملەكەتتىك سۋبسيديالاۋ باعدارلامالارىنىڭ ەرەجەلەرىنىڭ ءجيى وزگەرۋى.

سونىمەن قاتار، بولات باقاۋوۆ ساپالى جەم-ءشوپ بازاسىنىڭ قاجەتتىلىگىنە نازار اۋداردى. وڭىردەگى سۋارمالى ەگىنشىلىككە قاجەتتى ينفراقۇرىلىم تولىقتاي ىسكە قوسىلعان جانە 70 مىڭ گەكتار جەردى عانا قامتاماسىز ەتىپ وتىر.

وڭىردە قۇرىلىپ جاتقان بىرنەشە جوبا قوسىمشا 50 مىڭ گەكتار جەردى سۋارمالى القاپتارعا اينالدىرۋعا مۇمكىندىك بەرەدى. قازىرگى كەزدە قۇجاتتار قاجەتتى قارجى الۋ ءۇشىن «قازسۋشارۋاشىلىق» رمك مەن  ۇلتتىق ەكونوميكا مينيسترلىگىنە تاپسىرىلدى.  

پاۆلودار وبلىسى

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار