گيمناستيكالىق قوسسىرىقتاعى جاتتىعۋدان فينالعا جولداما العان ايان مولداعاليەۆ 5-ءشى ورىننان كورىندى. بۇل تالانتتى ءارى جاس سپورتشىنىڭ كۋبوكتىك كەزەڭگە العاش رەت قاتىسۋى. 2018 جىلعى جاسوسپىرىمدەر وليمپياداسىندا كوزگە تۇسكەن ايان باپكەرلەر تاراپىنان جاقسى باعاعا يە بولىپ وتىر. سونداي-اق, ايان گيمناستيكالىق ات سناريادىندا 22-ءشى ورىن يەلەنگەن.
ال فارۋح نابيەۆ قوسسىرىقتا 13-ءشى, كەرمەدە 22-ءشى, قول تىرەپ سەكىرۋدە 14-ءشى, ات سناريادىندا 29-شى ساتىعا تۇراقتادى.
«ايان جاستىعىنا, الەم كۋبوگىنە العاش رەت قاتىسقانىنا قاراماي, ۇزدىكتەر قاتارىنان ورىن الىپ, بەستىككە ەندى. وعان تەك جارايسىڭ دەيمىز. ءسال عانا تاجىريبە جەتپەي قالدى. بازالىق جاتتىعۋلارى قيىندىعى جونىنەن اقساپ تۇر. دەسە دە, كوڭىلىمىزدەن شىقتى», - دەيدى باس باپكەر الەكساندر كيم.
ەسكە سالا كەتەيىك, حورۆاتياداعى الەم كۋبوگى كەزەڭىندە سىنعا تۇسكەن ەكى سپورتشىمىز دا 2001 جىلى تۋعان.
