تۇركى كەڭەسىن قۇرۋ پىكىرىنىڭ اۆتورى نازارباەۆ 1992 جىلدان بۇگىنگە دەيىن وتكەن 15 تۇركى تىلدەس مەملەكەت باسشىلارىنىڭ ءسامميتىنىڭ بارىنە قاتىسىپ, تۇركى كەڭەسىنىڭ كوپتەگەن جوبالارىنىڭ ىسكە اسۋىنا مۇرىندىق بولدى.
ءبىزدىڭ
اقساقالىمىز تۇركى الەمىنىڭ اۋىزبىرلىگى ءۇشىن اسا ماڭىزدى جۇمىستار اتقاردى. ول
تۇركى الەمى ەلدەرىنىڭ ءبىر-بىرىمەن قارىم-قاتىناستارىنىڭ دامىتىلۋىمەن قاتار,
باسقا ەلدەرمەن جانە حالىقارالىق ۇيىمدارمەن دە ىنتىماقتاستىقتارىنىڭ نىعايتىلۋى
ءۇشىن وراسان زور ۇلەس قوستى.
قازاقستان رەسپۋبليكاسىنىڭ تۇڭعىش
پرەزيدەنتى رەتىندە نازارباەۆ قازاقستاننىڭ ەۋرازيادا ەلەۋلى كۇشكە جانە
حالىقارالىق ارەنادا ابىرويلى ەلگە اينالۋىنا قول جەتكىزدى.
اقساقالىمىز قازاقستاننىڭ كورشىلەرىمەن, ايماقتاعى ەلدەرمەن بەيبىت قارىم-قاتىناستاردا بولۋىن قامتاماسىز ەتە وتىرىپ, قازاقستاننىڭ حالىقارالىق قاتىناستارداعى بەلسەندىلىگىن ارتتىردى.
اقساقالدىڭ جەتەكشىلىگىندەگى قازاقستان الەمدە شىنايى اتومدىق قاۋىپسىزدىك جانە بەيبىتشىلىكتىڭ ورناۋى ءۇشىن قولىنداعى اتومدىق قارۋ-جاراقتان ءوز ەركىمەن باس تارتقان جانە ولاردى جويعان العاشقى مەملكەت رەتىندە تاريحقا كىردى.
ازياداعى ىنتىماقتاستىق جانە سەنىم شارالارى جونىندەگى كونفەرەنتسيا ۇيىمىنىڭ قۇرىلۋى اقساقالدىڭ باستاماسى جانە توككەن تەرىنىڭ ارقاسىندا مۇمكىن بولدى.
اتا جۇرتىمىز قازاقستان 2017 – 2019 جج. كەزەڭدە بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولدى.
اتا جۇرتىمىز قازاقستاننىڭ تۇڭعىش پرەزيدەنتى – ەلباسى, تۇركى الەمىنىڭ اقساقالى جانە كوشباسشىسى نۇرسۇلتان نازارباەۆ ءۇشىن پرەزيدەنتىمىز رەجەپ تايىپ ەردوعاننىڭ اسا بيىك باعا بەرۋىنىڭ نىشانى رەتىندە جاساعان وسى ۇسىنىسى بارلىق مۇشە-مەملەكەتتەردىڭ باسشىلارىنىڭ ءبىراۋىزدان قابىلداپ, اقساقالىمىزعا تۇركى كەڭەسىنىڭ ءومىر بويى قۇرمەتتى توراعاسى اتاعى بەرىلىپ وتىر.
ن. نازارباەۆ, وزىنە حالقى جانە كوشباسشىسى بولىپ وتىرعان تۇركى الەمى تاراپىنان بەرىلگەن ءاربىر اتاعى مەن دارەجەسىنە تولىعىمەن لايىق. قۇدىرەتتى اللا اقساقالىمىزدى ساقتاسىن, ارقاشان ارامىزدا كورۋگە جازسىن, ابىرويىن اسقاقتاتا بەرسىن.
يالچىن توپچۋ
تۇركيا رەسپۋبليكاسىنىڭ پرەزيدەنتى باس كەڭەسشىسى
