ەلىمىزدە دارىلىك زاتتاردى رەتسەپتۋالدى وتكىزۋ دەنساۋلىق ساقتاۋ جانە الەۋمەتتىك دامۋ ءمينيسترىنىڭ بۇيرىعىمەن بەكىتىلگەن. رەتسەپتىلەردى جازۋ, ەسەپكە الۋ جانە ساقتاۋ قاعيدالارىمەن رەگلامەنتتەلەدى. قازاقستان بويىنشا 2019 جىلدىڭ 21-ءشى مامىرىنداعى ەسەپ بويىنشا 7792 دارىلىك زاتتىڭ اتاۋى تىركەلگەن. ونىڭ ىشىندە دارىگەردىڭ رەتسەپتى بويىنشا 6 033-ءى, ال, نۇسقاۋلىقسىز 1759-ى ساتىلادى.
ال, تۇرعىنداردىڭ كەيبىرى قاتاڭ تۇردە دارىگەردىڭ نۇسقاۋلىعىمەن ۇسىنىلاتىن دارىلەر تۋرالى بىلمەيدى. قانداي دا ءبىر اۋرۋدىڭ بەلگىلەرى بايقالعان جاعدايدا, دارىگەردىڭ كومەگىنسىز ەمدەلگىسى كەلەدى. رەتسەپت بويىنشا ساتىلاتىن دارىلىك زاتتاردىڭ تىزبەسىنە توقتالساق: ميكروبقا قارسى جانە گورمونالدىق پرەپاراتتاردى; قۇرامىندا ەسىرتكى جانە پسيحوتروپتىق زاتتارى بار دارىلىك زاتتاردى; جۇرەك-قان تامىر اۋرۋلارىن ەمدەۋگە ارنالعان ءدارى-دارمەكتەردى; اس-قازان-ىشەك جولدارى اۋرۋلارىن ەمدەۋگە ارنالعان دارىلىك زاتتاردى جانە ت.ب. قامتيدى.
سونداي-اق دارىگەردىڭ رەتسەپتىسىنسىز مىنالار ساتىلادى: دارۋمەندەر, مۇرىنعا ارنالعان تامشىلار, شوپتەن جاسالعان ءشاي, سونىمەن قاتار اۋرۋدى باساتىن كەيبىر پرەپاراتتار كىرەدى. ءدارىحانادا تۇرعان فورماتسەفتتەر, ساتىپ الۋشىعا اتالمىش پرەپاراتتىڭ قولدانىلۋى تۋرالى اقپارات بەرۋى شارت.
دارىلىك زاتتاردى رەتسەپتسىز بوساتۋدىڭ قاۋىپتىلىگىن ءتۇسىندىرۋ ماقساتىندا دارىلىك زاتتار مەن مەديتسينالىق ماقساتتاعى بۇيىمداردى ۇلتتىق ساراپتاۋ ورتالىعىمەن فارماتسەۆتيكا سالاسى قىزمەتكەرلەرىن رەتسەپتپەن بوساتۋعا, ناۋقاستارعا دارىگەردىڭ رەتسەپتپەن ءدارى قابىلداۋعا شاقىراتىن «قاتاڭ تۇردە رەتسەپتپەن بوساتۋ» اپتالىعى جۇرگىزىلۋدە.
اتالعان شارا قازاقستان اۋماعىنداعى بارلىق ەمدەۋ ورىندارى مەن ءدارىحانالاردى قامتيدى جانە 2019 جىلدىڭ مامىر ايىنىڭ سوڭىنا دەيىن جالعاسادى.
ماڭعىستاۋ وبلىسىندا قازىرگى تاڭدا 400 دەن استام ءدارىحانا بار. ولاردىڭ 90 پايىزى جەكە كاسىپكەرلەردىڭ يەلىگىندە.
