ايماقتار • 24 مامىر، 2019

قاراعاندى وبلىسىنىڭ اكىمى حالىقارالىق بايقاۋشىلارمەن كەزدەستى

736 رەت كورسەتىلدى

قاراعاندى وبلىسىنىڭ اكىمى ەرلان قوشانوۆ ەقىۇ دەموكراتيالىق ينستيتۋتتار مەن ادام قۇقىقتارى جونىندەگى بيۋرو ميسسياسىنىڭ بايقاۋشىلارى مارتين روسسمان جانە كاميل فوريمەن كەزدەستى دەپ حابارلادى وبلىس اكىمىنىڭ ءباسپاسوز قىزمەتى.

اتالعان بايقاۋشىلار قر پرەزيدەنتىنىڭ كەزەكتەن تىس سايلاۋى كۇنىنە دەيىن وڭىردەگى سايلاۋ ۋچاسكەلەرىنىڭ دايىندىعىن باقىلاپ، سايلاۋالدى جاعدايدى قاداعالايتىن بولادى. 

قازىرگى تاڭدا قازاقستاندا ەقىۇ اتىنان  ۇزاق مەرزىمدى 22 بايقاۋشى  جۇمىس ىستەپ ءجۇر. بۇعان قوسا 9 ماۋسىمعا دەيىن ەلىمىزگە قىسقا مەرزىمدى بايقاۋشىلار دا كەلەدى. ولار سايلاۋ ۋچاسكەلەرىندە داۋىس بەرۋ بارىسىن جانە داۋىستاردى ساناۋدى قاداعالايدى. جالپى، سايلاۋ كۇنى ەلىمىزدە 200-دەن استام شەتەلدىك بايقاۋشى جۇمىس ىستەيتىن بولادى.

قاراعاندى وبلىسىندا حالىقارالىق بايقاۋشىلار قاراعاندى، تەمىرتاۋ جانە شاحتينسك قالالارىنداعى سايلاۋ ۋچاسكەلەرىنىڭ جۇمىسىنا قاتىسۋدى جوسپارلاپ وتىر. 

– قازىر ءبىز سايلاۋ كوميسسيالارىمەن، قالالار مەن اۋدانداردىڭ اكىمدىكتەرىمەن كەزدەسۋلەر وتكىزىپ ءجۇرمىز. ال ەلوردادا ءبىز پرەزيدەنت لاۋازىمىنا كانديداتتارمەن جانە شتاب مۇشەلەرىمەن جۇمىس ىستەيتىن بولامىز، – دەدى كەزدەسۋ بارىسىندا مارتين روسسمان. 

ەرلان قوشانوۆ ميسسياعا قاتىسۋشىلارعا قاراعاندى وبلىسى تۋرالى جانە سايلاۋعا دايىندىق تۋرالى ايتىپ بەردى. «وڭىردە سايلاۋشىلار ءتىزىمى جاڭارتىلعان: جاڭا تىزىمدە 938 مىڭ ادام بار. ولار ءۇشىن 787 سايلاۋ ۋچاسكەسى جۇمىس ىستەيتىن بولادى. سايلاۋ ۋچاسكەلەرىنىڭ بارىندە مۇمكىندىگى شەكتەۋلى ادامداردىڭ قاجەتتىلىگى ەسكەرىلەدى»، دەدى ءوڭىر باسشىسى.

ەسكە سالساق، قاراعاندى وبلىسىندا كاسىپكەرلەر قاۋىمداستىعى بازاسىندا شەتەلدىك بايقاۋشىلارعا كومەك كورسەتۋ ورتالىعى قۇرىلعان بولاتىن. بۇل جەردە ولارعا مىندەتتەرىن الاڭسىز جانە تولىققاندى اتقارۋ ءۇشىن بارلىق جاعداي مۇمكىندىگى قاراستىرىلعان.


قاراعاندى وبلىسى


سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار