«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 26-بابىنا سايكەس 2019 جىلدىڭ 25 مامىردان باستاپ تۇرعىلىقتى جەرلەردە قۇرىلعان نۇر-سۇلتان قالاسىنىڭ سايلاۋ ۋچاسكەلەرىندە تانىسۋعا ارنالعان سايلاۋشىلاردىڭ تىزىمدەرى ۇسىنىلدى.
«ناقتى سايلاۋ ۋچاسكەسىندە ازاماتتاردى سايلاۋشىلار تىزىمىنە ەنگىزۋ ءۇشىن ونىڭ وسى سايلاۋ ۋچاسكەسىنىڭ اۋماعىنداعى تۇرعىلىقتى جەرى بويىنشا تىركەلۋ فاكتىسى نەگىز بولىپ تابىلادى», – دەپ مالىمدەدى نۇر-سۇلتان قالاسىنىڭ سايلاۋ كوميسسياسىنان.
ازاماتتارعا ءتيىستى ۋچاسكەلىك سايلاۋ كوميسسياسىنىڭ ءۇي-جايىندا سايلاۋشىلاردىڭ تىزىمدەرىمەن تانىسۋعا, سونىمەن قاتار, وندا ەنگىزىلگەن مالىمەتتەردىڭ دۇرىستىعىن تەكسەرۋگە مۇمكىندىك بەرىلەدى.
«ءار ازامات سايلاۋشىلاردىڭ تىزىمىندەگى ءوزى تۋرالى مالىمەتتى تەكسەرۋگە جانە تىزىمگە ەنگىزىلمەگەندىگى, دۇرىس ەنگىزىلمەگەندىگى نەمەسە تىزىمنەن شىعارىلىپ تاستالعاندىعى جونىندە شاعىمدانۋعا, سونداي-اق سايلاۋشىلار تۋرالى مالىمەتتەردە جىبەرىلگەن دالسىزدىكتەردى تەكسەرۋگە قۇقىلى», – دەلىنگەن سايلاۋ كوميسسياسىنىڭ حابارلاماسىندا.
تىزىمگە ەنگىزۋ تۋرالى, ودان شىعارىپ تاستاۋ نەمەسە تىزىمگە تۇزەتۋلەر ەنگىزۋ قاجەتتىگى تۋرالى ارىزداردى ۋچاسكەلىك سايلاۋ كوميسسياسى ارىز كەلىپ تۇسكەن كۇنى قارايدى. ارىزدانۋشى ءۇشىن وڭ شەشىمنەن كەيىن سايلاۋشىلار تىزىمىنە تۇزەتۋ نەمەسە ەنگىزىلمەي قالعان سايلاۋشىنى تىزىمگە ەنگىزۋ شۇعىل تۇردە سايلاۋ كوميسسياسىمەن جۇرگىزىلەدى.
ارىز ماقۇلدانباعان جاعدايدا, سايلاۋ كوميسسياسى ارىزدانۋشىعا ونىڭ ارىزى ماقۇلدانباعاندىعى تۋرالى دالەلدi شەشiمنiڭ كوشiرمەسiن كەشiكتiرمەي بەرەدi. شەشىم سوتتا قارالۋى مۇمكىن.
سايلاۋشى تۇراتىن ورنىن اۋىستىرعان جاعدايدا, سايلاۋشى ۋچاسكەلىك سايلاۋ كوميسسياسىنان داۋىس بەرۋ قۇقىعىن بەرەتىن ەسەپتەن شىعارۋ كۋالىكتەرىن الادى. ەسەپتەن شىعارۋ كۋالىگى جازباشا ءوتىنىش پەن جەكە كۋالىكتىڭ ۇسىنىلۋى نەگىزىندە 2019 جىلعى 25 مامىر – 8 ماۋسىم ارالىعىندا ساعات 18:00-گە دەيىن بەرىلەدى.
ۋچاسكەلىك سايلاۋ كوميسسيالارى كۇندەلىكتى ساعات 9:00-دەن 20:00-گە دەيىن ءۇزىلىسسىز جۇمىس ىستەيدى. ۋچاسكەلىك سايلاۋ كوميسسيالارى تۋرالى مالىمەتتەر مەن بايلانىس تەلەفوندارى تومەندە كورسەتىلگەن.
