ءتىل ساياساتى كوميتەتى مەن «ش.شاياحمەتوۆ اتىنداعى «ءتىل-قازىنا» عىلىمي-تاجىريبەلىك ورتالىعى» اق ۇيىمداستىرۋىمەن بولاتىن كونكۋرسقا ەل اۋماعىنداعى بارلىق باق وكىلى قاتىسا الادى. ول ءۇشىن 2018 جىلعى 11 ماۋسىم مەن 2019 جىلعى 3 ماۋسىم ارالىعىندا مەملەكەتتىك ءتىل ساياساتىن ناسيحاتتايتىن, قازاق ءتىلىنىڭ قولدانىس اياسىن كەڭەيتۋگە ىقپال ەتىپ, ءتىل تۋرالى زاڭعا قايشى ارەكەتتەردى اشكەرەلەيتىن باق-تا جاريالانعان ماتەريالدارىن بيىلعى 4 ماۋسىمعا دەيىن جولداۋلارى ءتيىس.
بايقاۋدى ۇيىمداستىرۋشىلاردىڭ ايتۋلارىنا قاراعاندا, جەڭىمپازدار ءتورت اتالىم بويىنشا انىقتالادى: «ۇزدىك ماقالا», «ۇزدىك تەلەباعدارلاما», «ۇزدىك راديوباعدارلاما» جانە «ۇزدىك سايت ماقالاسى».
كونكۋرسقا قاتىسۋشىلاردىڭ جۇمىستارىن كوميتەت بەكىتكەن ماماندار – فيلولوگيا, جۋرناليستيكا سالالارىنىڭ بىلىكتى ماماندارى, عالىمدار, زيالى قاۋىم وكىلدەرىنەن قۇرالعان كوميسسيا باعالاپ, جەڭىمپازدى انىقتايدى.
«بايقاۋ جەڭىمپازىنا 1 ملن تەڭگە تابىستالادى. ءار اتالىم بويىنشا جۇلدەگەرلەر: 1-ورىن – 500 مىڭ تەڭگە, 2-ورىن – 350 مىڭ تەڭگە, 3-ورىن – 150 مىڭ تەڭگەنىڭ سەرتيفيكاتىنا يە بولادى» دەيدى مينيسترلىك وكىلدەرى.
