«UMC» كورپوراتيۆتىك قورىنىڭ انا مەن بالا ۇلتتىق عىلىمي ورتالىعى ۇيىمداستىرىپ وتىرعان سپورتتىق جارىسقا قاتىسۋعا اۋىر دەرتتى جەڭگەن 2 مەن 18 جاس ارالىعىنداعى 106 بالادان ءوتىنىم كەلىپ تۇسكەن. سايىس جەڭىل اتلەتيكا (60 مەترگە جۇگىرۋ), اسىق اتۋ, ۇستەل تەننيسى, اتۋ (پنەۆماتيكالىق ۆينتوۆكادان 10 مەترگە), فۋتبول (ميني-فۋبول), شاحمات (شۆەيتساريالىق جۇيەمەن), بوۋلينگ تۇرلەرى بويىنشا «الاۋ» مۇز سارايى مەن «پينگۆين» بوۋلينگ كەشەنىندە وتەدى.
ۇيىمداستىرۋشىلار اتالعان سپورتتىق شارانىڭ قاتەرلى ىسىك اۋرۋلارىنا شالدىققان جانە اعزالارى ترانسپلانتتالعان بالالاردى وڭالتىپ, ولاردىڭ قالىپتى ءومىر سالتىنا ورالتۋ, بۇل ماسەلەگە قوعام نازارىن اۋدارتۋ, مۇنداي دەرتتەردىڭ ەمدەلمەيتىنى تۋرالى قاتە تۇسىنىكپەن كۇرەسۋ, مەديتسينا قىزمەتكەرلەرىنىڭ ابىروي-بەدەلىن ارتتىرۋ ماقساتىندا العاش رەت ىسكە اسىرىلعالى وتىرعانىن ايتادى.
ايتا كەتەيىك, قازاقستاندا جىل سايىن ورتا ەسەپپەن 600-دەي قاتەرلى ىسىك اۋرۋلارىنا شالدىققان بالا انىقتالىپ جاتادى. قازىرگى ۋاقىتتا رەسپۋبليكا بويىنشا 4 مىڭعا تارتا بالا دارىگەرلەردىڭ قاتاڭ باقىلاۋىندا. ولاردىڭ ىشىندە 300-دەي بالا قولداۋ تەراپياسىن, ياعني ەم-دوم الىپ ءجۇر. وسى تۇرعىدان العاندا دا چەمپيوندار ويىنى بالالار مەن ولاردىڭ اتا-انالارى جانە ەمدەۋشى دارىگەرلەر ءۇشىن قوسىمشا ىنتالاندىرۋ بولماق.
ءىس-شارانى ۇيىمداستىرۋعا ەلىمىزدىڭ سپورت فەدەراتسيالارى, دەنساۋلىق ساقتاۋ مينيسترلىگىنىڭ تسيفرلاندىرۋ كەڭسەسى, مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى جونىندەگى كوميتەتى, مەديتسينالىق قىزمەتكەرلەرىنىڭ كاسىپوداعى, «تەمىرماش» پاۆلودار زاۋىتى, «داۋا» قايىرىمدىلىق قورى, «ءومىر سىيى» ناۋقاستار قوعامى, ەرىكتىلەر مەن بيزنەس وكىلدەرى بەلسەندى استالىسۋدا.
