تاراپتار تاللين قالاسى مەن قىزىلوردا وبلىسى اراسىنداعى ىنتىماقتاستىق ورناتۋ جولدارىن تالقىلادى.
- بۇگىندە ەستونيا رەسپۋبليكاسى اقپاراتتىق تەحنولوگيالاردى دامىتۋ بويىنشا كوشباسشى بولىپ وتىر. تۋريزم جانە كاسىپكەرلىك سالالارى دا كەڭىنەن دامۋدا, وسىعان بايلانىستى سىزدەردىڭ تاجىريبەلەرىڭىز ءبىزدى قىزىقتىرادى, - دەپ اتاپ ءوتتى وبلىس اكىمى.
قىرىمبەك كوشەرباەۆ ارىپتەسىنە ءوڭىردىڭ الەۋمەتتىك–ەكونوميكالىق دامۋى تۋرالى ايتىپ, ميحايل كىلۆارتتى قىزىلوردا وبلىسىنا ساپارمەن كەلۋگە شاقىردى.
ءوز كەزەگىندە ميحايل كىلۆارت وبلىس اكىمىنە العىسىن ءبىلدىرىپ, ىنتىماقتاستىققا دايىن ەكەندىگىن اتاپ ءوتتى.
- ءبىز ءسىزدى جانە قىزىلوردالىق دەلەگاتسيانى تالليندە كورۋگە قۋانىشتى بولامىز. بۇل كەزدەسۋ بىرلەسكەن ءتيىمدى كوپجاقتى ارىپتەستىكتىكتىڭ باستاۋى بولادى دەپ ويلايمىن, - دەدى ميحايل كىلۆارت.
كەزدەسۋ قورىتىندىسى بويىنشا تاراپتار دەلەگاتسيالاردىڭ ءوزارا ساپارلارى تۋرالى كەلىسىمگە كەلدى.
